2017 წლის 13 ივნისს ილიას სახელმწიფო უნივერსიტეტში გაიმართა ტემპუსის პროექტის ფარგლებში დაფინანსებული პროექტ LeAGUe-ის დასკვნითი კონფერენცია.
პროექტის მთავარი მიზანია უწყვეტი განათლების პროგრამების განვითარება საქართველოში, უკრაინასა და სომხეთში. პროექტის კოორდინატორია ლინეუსის უნივერსიტეტი (შვედეთი).
პროექტის შესახებ დამატებითი ინფორმაცია შეგიძლიათ იხილოთ პროექტის ვებ. გვერდზე http://tempusleague.eu/.
საქართველო 2017 წელს პირველად მიიღებს მონაწილეობას Science on Stage-ის ფესტივალზე. პროექტს „ფერადი მეცნიერება“ #SonS2017 ფესტივალზე საქართველოს სახელით წარადგენენ ნაფარეულის საჯარო სკოლის მასწავლებელი ნინო სააკაშვილი და ბაქსვუდის საერთაშორისო სკოლის მასწავლებელი თამარ დობორჯგინიძე. პროექტის შესახებ შეგიძლიათ იხილოთ ვიდეო: www.youtube.com/watch?v=NqSBVzCkgYY
2017 წლის 9 მარტს ბერლინში SonSEU-ს სათაო ოფისს Science on Stage Georgia-ს ხელმძღვანელი მარიკა კაპანაძე ესტუმრა. შეხვედრის დროს განიხილეს საქართველოს მონაწილეობა 2017 წლის საერთაშორისო ფესტივალზე და სამომავლო გეგმები.
2017 წლის 18-28 აპრილს, ილიას სახელმწიფო უნივერსიტეტის საბუნებისმეტყველო განათლების კვლევით ცენტრს SALiS ERASMUS+ პროექტის ფარგლებში ესტუმრა ბრემენის (გერმანია) უნივერსიტეტის საბუნებისმეტყველო განათლების მკვლევარი ფიონა აფელდტი. მისი ვიზიტის ძირითადი მიზანი იყო არაფორმალური განათლების დანერგვის ხელშეწყობა – მოსწავლეთა ლაბორატორიის განვითარება ჩვენს უნივერსიტეტში. ამ ვიზიტის ფარგლებში მოეწყო სამუშაო შეხვედრები მოსწავლეთა აქტივობების დაგეგმვის მიზნით. მოსწავლეთა ლაბორატორიის მიზანია არაფორმალური განათლების გზით მოსწავლეთა მოტივაციის ამაღლება და საბუნებისმეტყველო მეცნიერებებით დაინტერესება. პროგრამის ფარგლებში სკოლის მოსწავლეები ჩაატარებენ ექსტერიმენტებს სხვადასხვა თემაზე.
25 აპრილს SALiS ლაბორატორიას ესტუმრენ დამოუკიდებელი საერო გიმნაზია ’’შავნაბადას’’ მეცხრე კლასის მოსწავლეები ფიზიკის და ქიმიის მასწავლებლებთან ერთად. მათი საკვლევი თემა იყო: ბიო ხელოვნური მასალები.
26 აპრილს კი SALiS ლაბორატორიას ესტუმრენ გერმანული საერთაშორისო სკოლის მეექსვე კლასის მოსწავლეები ფიზიკის მასწავლებელთან ერთად. მათი საკვლევი თემა იყო წყლის შესწავლა და მისი თავისებურებების აღმოჩენა.
იხილიეთ ფოტოები
2017 წლის 18-28 აპრილს, ილიას სახელმწიფო უნივერსიტეტის საბუნებისმეტყველო განათლების კვლევით ცენტრს SALiS ERASMUS+ პროექტის ფარგლებში ესტუმრა ბრემენის (გერმანია) უნივერსიტეტის მეცნიერ-თანამშრომელი, განათლების მეცნიერებათა დოქტორი ნადია ბელოვა.
ნადია ბელოვამ წაიკითხა ლექციები თემაზე: კვლევაზე დაფუძნებული სწავლება და მედია წიგნიერება უნივერსიტეტის სტუდენტებისა და აკადემიური პერსონალისთვის.
ვიზიტის ფარგლებში გაიმართა ERASMUS+ პროექტ ARTIST-ის ჯგუფის სამუშაო შეხვედრა, თემაზე: პედაგოგიური პრაქტიკის კვლევა. ნადია ბელოვამ პროექტის ქართულ მხარეს გააცნო პრაქტიკის კვლევის მნიშვნელობა, მიზნები და ამოცანები და მისი გამოყენება პროექტის მიმდინარეობისას.
