სიახლე

01 11 2018

SALiS ლაბორატორია ილიაუნის სამეცნიერო პიკნიკზე-2018 წელი

ა.წ. 29 სექტემებს ილიას სახელმწიფო უნივერსიტეტის ორგანიზებით საქართველოში რიგით მე-7 სამეცნიერო პიკნიკი ჩატარდა. ამ ღონისძიების მიზანი მეცნიერების პოპულარიზაცია და მისი სახალისო ფორმით წარმოჩენაა.

წელს სამეცნიერო პიკნიკის თემა იყო გაერთიანებული ერების ორგანიზაციის მდგრადი განვითარების 17 მიზანი.

ღონისძიება ვაკის პარკში გაიმართა, სადაც წარმოდგენილი იყო 40-მდე კარავი სხვადასხვა ექსპერიმენტით, გამოფენით, შემეცნებით-გასართობი პროგრამით.

ერთ-ერთ კარავში საბუნებისმეტყველო განათლების კვლევითმა ცენტრმა-SALiS წარმოადგინა სახალისო და სიანეტრესო ექპერიმენტები იაფი ტექნოლოგიების გამოყენებით, რაც ეხმაურებოდა გაერთიანებული ერების მდგრადი განვითარების მიზნებს-რესურსების დაზოგვას და რაციონალურად გამოყენებას.

სამეცნიერო პიკნიკში მონაწილეობდნენ საჯარო და კერძო საგანმანათლებლო დაწესებულებები, არასამთავრობო, სახელმწიფო და კერძო ორგანიზაციები.

იხილეთ ფოტოები

31 05 2018

სემინარი პრაქტიკული კვლევის შესახებ

მარიამ ბენაშვილი სიახლე

ა.წ. 25 ივნისს, ილიას სახელმწიფო უნივერსიტეტის პროფესორებისთვის და მოწვეული ლექტორებისთვის ჩატარდება სემინარი პრაქტიკული კვლევის შესახებ ერაზმუსის პროექტ ARTIST ის ფარგლებში.

სემინარზე განხილული იქნება კონკრეტული მაგალითები და რამოდენიმე ქვეყნის (გერმანია, ავსტრია, ირლანდია, თურქეთი) გამოცდილება პრაქტიკული კვლევის დაგეგმვასა და ჩატარებასთან დაკავშირებით, ერთი სესია კი დაეთმობა სამეცნიერო პუბლიკაციების მომზადებას პრაქტიკული კვლევის შესახებ.

სემინარი ჩატარდება ინგლისურ ენაზე თანმიმდევრული თარგმანით.

სემინარი ჩატარდების ადგილი: ავსტრიულ ბიბლიოთეკა, S 507.

31 05 2018

კონფერენცია პრაქტიკული კვლევის შესახებ

მარიამ ბენაშვილი სიახლე

საბუნებისმეტყველო განათლების კვლევითი ცენტრი SALiS 26 ივნისს იწვევს ყველა დაინტერესებულ ადამიანს საერთაშორისო კონფერენციაზე – „პრაქტიკული კვლევა – ინოვაციური მიდგომა საბუნებისმეტყველო განათლებაში“ მონაწილეობის მისაღებად. კონფერენცია ჩატარდება ერაზმუსის პროექტ ARTIST ის ფარგლებში.

კონფერენცია ჩატარდება ინგლისურ ენაზე თანმიმდევრული თარგმანით.

კონფერენციის ჩატარების ადგილი: ილიას სახელმწიფო უნივერსიტეტი, ი. ჭავჭავაძის გამზირი 32, B201

კონფერენციაზე მონაწილეთა რაოდენობა შეზღუდულია.

კონფერენციაზე რეგისტრაცია შესაძლებელია 12 ივნისამდე.

კონფერენციაზე რეგისტრაციისათვის გთხოვთ გადახვიდეთ ბმულზე.

30 04 2018

სემინარები ფიზიკის მასწავლებლებისთვის

მარიამ ბენაშვილი სიახლე

საბუნებისმეტყველო განათლების კვლევითი ცენტრი SALiS-ის ორგანიზებით ჩატარდება სემინარები ფიზიკის მასწავლებლებისთვის.

სამშაბათი, 8 მაისი, 16.00 საათი

სემინარი თემაზე: მოდელირების როლი ფიზიკის სწავლებისას მალტის ზოგადსაგანმანათლებლო სკოლებში

დოქტ. ჯოან ბორგ მარკსი

მალტის უნივერსიტეტი, მალტა

ოთხშაბათი, 30 მაისი, 16.00 საათი

სემინარი თემაზე: თერმული კამერა და „სითბო“ – ს სწავლება ზოგადსაგანმანათლებლო სკოლაში

ბიორნ სიტრონი და ნიკლას აჰმანი

ლინეუსის უნივერსიტეტი, შვედეთი

სემინარებზე დასარეგისტრირებლად გთხოვთ შეავსოთ ელექტრონული ფორმა.

https://salis.iliauni.edu.ge/seminarebi-phizikis-mastsavleblebisthvis/

სემინარის ჩატარების ადგილი – ილიას სახელმწიფო უნივერსიტეტი, SALiS ლაბორატორია

გ. წერეთლის 1, მე-5 სართული

30 04 2018

საერთაშორისო კონფერენცია საბუნებისმეტყველო მეცნიერებებში

მარიამ ბენაშვილი სიახლე

2018 წლის 23 აპრილს ილიას სახელმწიფო უნივერსიტეტის საბუნებისმეტყველო განათლების კვლევითი ცენტრისა და რუსთავის მე-12 საჯარო სკოლის ორგანიზებით ჩატარდა მოსწავლეთა საერთაშორისო კონფერენცია საბუნებისმეტყველო მეცნიერებებში. კონფერენციაში მონაწილეობა მიიღეს რუსთავის საჯარო სკოლების, ასევე თელავის მე-7 საჯარო სკოლის და ისრაელის გედერას და კირიათ გადის სკოლის მოსწავლეებმა. კონფერენციაზე წარმოდგენილი იყო მოსწავლეთა მიერ შესრულებული პროექტები საბუნებისმეტყველო მეცნიერებებში. საქართველოსა და ისრაელის სკოლები საბუნებისმეტყველო განათლების კვლევითი ცენტრის SALiS ის საშუალებით დამეგობრდნენ. 2016-2017 წლებში ქართველმა მოსწავლეებმა თელავის მე-7 და რუსთავის მე-12 საჯარო სკოლებიდან მონაწილეობა მიიღეს მოსწავლეთა საერთაშორისო კონფერენციებში ისრაელში.

იხილეთ ფოტოები

30 04 2018

საინფორმაციო შეხვედრა Science on Stage

მარიამ ბენაშვილი Science on Stage საქართველო, სიახლე

2018 წლის 20 აპრილს ილიას სახელმწიფო უნივერსიტეტში გაიმართა საინფორმაციო შეხვედრა საბუნებისმეტყველო საგნების პედაგოგებთან. შეხვედრის თემა იყო ეროვნული ფესტივალი „მეცნიერება მთავარ როლში“ (Science on Stage), რომელსაც საქართველოში ორგანიზებას უწევს ილიას სახელმწიფო უნივერსიტეტის საბუნებისმეტყველო განათლების კვლევითი ცენტრი SALiS. შეხვედრას 50-ზე მეტი პედაგოგი დაესწრო თბილისიდან და საქართველოს სხვადასხვა რეგიონიდან.

იხილეთ ვიდეო – https://www.youtube.com/watch?v=MJoBzPG6WUM&feature=youtu.be

იხილეთ ფოტოები

29745121_2059903117599502_6702127584045710324_o 1

05 04 2018

ილიაუნის ახალგაზრდა მკვლევართა კლუბების ქსელი საბუნებისმეტყველო განათლების კვლევით ცენტრ SALiS-თან გაერთიანდა

მარიამ ბენაშვილი სიახლე

გაცნობებთ, რომ ილიაუნის ახალგაზრდა მკვლევართა კლუბების ქსელი, ილიაუნის საბუნებისმეტყველო განათლების კვლევით ცენტრ SALiS- თან გაერთიანდა.

თქვენ შეგიძლიათ გაწევრიანდეთ salis-ის კლუბში და ასევე განაგრძოთ მკვლევართა კლუბის საქმიანობა.

ეს იმას ნიშნავს, რომ:
✅ კლუბების არსებობის გარდა/გარეშე, მასწავლებლებს შესაძლებლობა გაქვთ, ინდივიდუალურად გახდეთ მასწავლებელთა ქსელის წევრი.
✅ უფრო მარტივად მიიღოთ ინფორმაცია და ჩაერთოთ სხვადასხვა აქტივობებში.
✅ გქონდეთ წვდომა მუდამ განახლებად ელექტრონულ ბაზასთან, რომელიც მოიცავს საბუნებისმეტყველო წიგნებს, კვლევებს, საინტერესო ელ. ბმულებს და ა.შ
✅ მონაწილეობა მიიღოთ კონკურსებსა და ტრენინგებში, რომელიც მხოლოდ ჩვენი ქსელის წევრებისთვის ცხადდება.

❓როგორ გავხდე SAliS – საბუნებისმეტყველო მეცნიერებების მასწავლებელთა ქსელის წევრი?
🔴 შეავსეთ მარტივი სარეგისტრაციო ფორმა:
https://salis.iliauni.edu.ge/3758-2/

❔როგორ დავარეგისტრირო მკვლევართა კლუბი ქსელის ბაზაში?
⚪ შეავსეთ მარტივი სარეგისტრაციო ფორმა:
https://docs.google.com/…/1FAIpQLSe_mm-_SND50FVsyx…/viewform

კითხვების არსებობის შემთხვევაში მოგვწერეთ ქსელის ელექტრონულ მისამართზე 💻yexclub@iliauni.edu.ge

05 04 2018

პირველი ეროვნული ფესტივალი „მეცნიერება მთავარ როლში (SCIENCE ON STAGE) საქართველო” – შემოქმედებითი და ინოვაციური იდეები საბუნებისმეტყველო გაკვეთილებისთვის

მარიამ ბენაშვილი Science on Stage საქართველო, სიახლე

„მეცნიერება მთავარ როლში (Science on Stage) საქართველო“ საბუნებისმეტყველო საგნების დაწყებითი, საბაზო და საშუალო საფეხურის მასწავლებლებს იწვევს პირველ ეროვნულ ფესტივალში მონაწილეობისთვის.

ფესტივალი გაიმართება 2018 წლის დეკემბერში ილიაუნიში ილიას სახელმწიფო უნივერსიტეტის საბუნებისმეტყველო განათლების კვლევითი ცენტრის, SALiS-ის, ორგანიზებით.

ფესტივალზე საშუალება გექნებათ:

წარადგინოთ კვლევითი პროექტები, რომლებსაც მოსწავლეებთან ერთად განახორციელებთ;
წარადგინოთ ინოვაციური იდეები სასწავლო გარემოს გასაუმჯობესებლად და მოსწავლეების მოტივაციის ასამაღლებლად;
დაამყაროთ საქმიანი კონტაქტები და გაუზიაროთ გამოცდილება თქვენს კოლეგებს, საჯარო და კერძო სკოლების წარმომადგენლებს, ზოგადად, საბუნებისმეტყველო განათლებით დაინტერესებულ საზოგადოებას.

ფესტივალზე ნამუშევრები წარმოდგენილი უნდა იყოს პოსტერის ან მოხსენების სახით.

თემატიკა კვლევითი პროექტებისთვის:

საბუნებისმეტყველო მეცნიერებები პატარებისთვის;
ციფრული წიგნიერება და საბუნებისმეტყველო განათლება;
საბუნებისმეტყველო განათლება მდგრადი განვითარებისთვის;
ასტრონომია და სამყაროს შესწავლა;
იაფი ტექნოლოგიების გამოყენება საბუნებისმეტყველო მეცნიერებების სწავლებისას;
ინკლუზიური განათლება და საბუნებისმეტყველო მეცნიერებების სწავლება.

გთხოვთ, თქვენი პროექტის მოკლე აღწერა გამოგვიგზავნოთ ა. წ. 31 მაისამდე. შეავსეთ ფორმულარი.

საინტერესო პროექტების ავტორებს საშუალება ექნებათ, მონაწილეობა მიიღონ ეროვნულ ფესტივალში. კომპეტენტური ჟიური გამოავლენს საუკეთესო პროექტებს საერთაშორისო ფესტივალში მონაწილეობისთვის.

Science on Stage საერთაშორისო ფესტივალი 2019 წლის 31 ოქტომბრიდან 3 ნოემბრამდე პორტუგალიაში გაიმართება. საერთაშორისო ფესტივალში საქართველოდან 4 პედაგოგი მიიღებს მონაწილეობას.

2019 წლის Science on Stage საერთაშორისო ფესტივალის შესახებ დეტალური ინფორმაცია იხილეთ: https://www.science-on-stage.eu/page/display/4/97/0/s

მეცნიერება მთავარ როლში (Science on Stage) საქართველოს შესახებ ინფორმაცია იხილეთ: https://salis.iliauni.edu.ge/science-on-stage-saqarthvelo/

დაინტერესებული პედაგოგებისთვის გაიმართება საინფორმაციო შეხვედრა 20 აპრილს, 17.00 საათზე.

ადგილმდებარეობა: G106 აუდიტორია (გ. წერეთლის N1), ილიას სახელმწიფო უნივერსიტეტი

12 01 2018

ვორქშოფი ”იაფი ტექნოლოგიების გამოყენება საბუნებისმეტყველო გაკვეთილებზე” – II

Eka Mikautadze Science on Stage საქართველო, სიახლე

2018 წლის 9 იანვარს ილიას სახელმწიფო უნივერსიტეტის SALiS ლაბორატორიაში Science on Stage საქართველოს ფარგლებში ჩატარდა ვორქშოფი ”იაფი ტექნოლოგიების გამოყენება საბუნებისმეტყველო გაკვეთილებზე”. 2017 წლის საერთაშორისო ფესტივალის მონაწილეებმა, ნინო სააკაშვილმა და თამარ დობორჯგინიძემ გამოცდილება გაუზიარეს პედაგოგებსა და სტუდენტებს.

იხილეთ ფოტოები

24 11 2017

ვორკშოპი საბუნებისმეტყველო საგნების მასწავლებლებისთვის

Eka Mikautadze Science on Stage საქართველო, სიახლე

2017 წლის 11 ნოემბერს საბუნებისმეტყველო განათლების კვლევითი ცენტრის SALiS ლაბორატორიაში გაიმართა ვორკშოპი „იაფი ტექნოლოგიების გამოყენება საბუნებისმეტყველო გაკვეთილებზე“, რომელიც საბუნებისმეტყველო საგნების მასწავლებელთა ევროპული პლატფორმის – Science on Stage-ის (http://www.science-on-stage.eu/) ფარგლებში იყო ორგანიზებული. ვორკშოპს, რომელშიც საბუნებისმეტყველო საგნების 25 მასწავლებელი მონაწილეობდა საქართველოს სხვადასხვა რეგიონიდან, უძღვებოდნენ მასწავლებელთა ქსელის SALiS ის წევრები ნინო სააკაშვილი და თამარ დობორჯგინიძე. მათ მასწავლებლებს გაუზიარეს Science on Stage ფესტივალის (http://www.science-on-stage.eu/page/display/4/88/0/festival-2017) გამოცდილება. ეს ფესტივალი ა.წ. 29 ივნისიდან 2 ივლისამდე გაიმართა უნგრეთის ქალაქ დებრეცენში. საქართველოს გუნდი ფესტივალში პირველად მონაწილეობდა. ილიას უნივერსიტეტის საბუნებისმეტყველო განათლების კვლევითი ცენტრი Science on Stageიის ოფიციალური წარმომადგენელია საქართველოში (http://www.science-on-stage.eu/page/display/2/2/2106/GE/Georgia).

იხილეთ ფოტოები