About Khatia Nebulishvili

Posts by Khatia Nebulishvili:

2

საინფორმაციო შეხვედრა ეროვნულ და საერთაშორისო ფესტივალებთან დაკავშირებით.

  5 აპრილს ილიას სახელმწიფო უნივერსიტეტში გაიმართა ევროპის საბუნებისმეტყველო საგნების მასწავლებელთა ქსელის “მეცნიერება მთავარ როლში” (Science on Stage) საინფორმაციო შეხვედრა ეროვნულ და საერთაშორისო ფესტივალებთან დაკავშირებით. ილიას უნივერსტიტეტის საბუნებისმეტყველო განათლების კვლევითი ცენტრი SALiS არის ამ ქსელის ოფიციალური წარმომადგენელი საქართველოში. შეხვედრა ჰიბრიდულ ფორმატში გაიმართა, რომელსაც ესწრებოდნენ საბუნებისმეტყველო საგნების მასწავლებლები საქართველოს სხვადასხვა რეგიონიდან, კერძო და საჯარო სკოლებიდან. შეხვედრაზე 2024 წლის ფინეთის საერთაშორისო ფესტივალის მონაწილე პედაგოგებმა დამსწრე აუდიტორიას გაუზიარეს თავიანთი შთაბეჭდილებები, ასევე განიხილეს სიახლეები მომავალ ეროვნულ და საერთაშორისო ფესტივალებთან დაკავშირებით. ეროვნული ფესტივალი ა.წ. 28 ივნისს ილიას სახელმწიფო უნივერსიტეტში, საერთაშორისო ფესტივალი კი 2026 წლის 28-31 მაისს კლაიპედაში (ლიეტუა) გაიმართება.

ბმულის სახით გიზიარებთ შეხვედრის ვიდეო ჩანაწერსა და სასარგებლო რესურებს:

Science on Stage საინფორმაციო შეხვედრის ვიდეო ჩანაწერი

ზოგადი ინფორმაცია ფესტივალის შესახებ

ნინო ფსუტური

ინესა ბეჟანოვა

თამარ ტურაშვილი, მაკა მაკარიძე

ნინო აბესაძე

ქეთევან ტატიშვილი

 

 

2

საინფორმაციო შეხვედრა მეოთხე ეროვნულ ფესტივალთან დაკავშირებით

საინფორმაციო შეხვედრა Science on Stage – ის ეროვნული და საერთაშორისო ფესტივალების შესახებ ჩატარდება შაბათს, 5 აპრილს, 11.00 საათზე ილიას სახელმწიფო უნივერსიტეტში.
შეხვედრა ჩატარდება G კორპუსში, პირველ სართულზე – G106 ში ჰიბრიდული ფორმატით.
მისამართი:
გ. წერეთლის ქუჩა 1. (ვაკის პარკის მოპირდაპირე მხარეს).
გთხოვთ, იხილოთ ილიაუნის კორპუსების ადგილმდებარეობის რუქა:
პედაგოგებს, ვინც ვერ შეძლებენ პირისპირ დასწრებას, საშუალება ექნებათ შეხვედრას დისტანციურად ადევნონ თვალი ზუმის პლატფორმის საშუალებით.
გიზიარებთ შეხვედრის ბმულს:
Join Zoom Meeting
https://iliauni-edu-ge.zoom.us/j/83686593908?pwd=PCePOKe9CYrfYbw0kBmJv6U7FZYXy6.1

Meeting ID: 836 8659 3908
Passcode: 059349

შეხვედრაზე ვისაუბრებთ ფესტივალის საორგანიზაციო და შინაარსობრივ საკითხებზე. ეროვნული და ფინეთის საერთაშორისო ფესტივალის მონაწილე მასწავლებლები გაგიზიარებენ თავიანთ გამოცდილებას და შთაბეჭდილებებს, ისაუბრებენ საფესტივალო პროექტებზე. მსმენელებს საშუალება ექნებათ დასვან შეკითხვები მათთვის საინტერესო საკითხებთან დაკავშირებით.
IMG_4955

ევროპის მე-13 ფესტივალი „მეცნიერება მთავარ როლში“

ევროპის მე-13 ფესტივალი „მეცნიერება მთავარ როლში“ 2024 წლის 12-15 აგვისტოს ტურკუში, ფინეთში გაიმართა.

დაწყებითი და საშუალო სკოლების 450 მასწავლებელმა მთელი ევროპიდან კრეატიული STEM იდეები წარმოადგინა. ფესტივალიის მონაწილეები შეირჩა ეროვნული ღონისძიებების შედეგად 30-ზე მეტ ქვეყანაში.

საქართველოდან ოთხი ეროვნული, ერთი ერთობლივი (შვედეთთან) და ერთიც საერთაშორისო კონკურსში მონაწილე პროექტი იყო წარმოდგენილი ფესტივალზე.

მასწავლებლები თბილისიდან და საქართველოს სხვადასხვა რეგიონიდან (ნინო აბესაძე, თამარ ტურაშვილი, ინესა ბეჟანოვა, ქეთევან ტატიშვილი, ნინო ფსუტური, მაკა მაკარიძე, ნათია ბაღათრიშვილი) აქტიურად იყვნენ ჩართული ფესტივალის სამუშაო პროცესში. ფესტივალის ფოტოები იხილეთ ბმულზე:

ევროპული ფესტივალი 2024-ის ოფიციალური ვებგვერდის მოსანახულებლად ეწვიეთ ბმულს: https://www.sons2024.eu/

356811987_643332214497411_5134097747159696276_n

მესამე ეროვნული ფესტივალი „მეცნიერება მთავარ როლში“

,

🔴 24 ივნისს ილიას სახელმწიფო უნივერსიტეტში გაიმართა მესამე ეროვნული ფესტივალი „მეცნიერება მთავარ როლში”, რომელზეც წარმოდგენილი იყო საქართველოს სხვადასხვა რეგიონის საბუნებისმეტყველო მეცნიერებების მასწავლებელთა 24 პროექტი.
🟥 ფესტივალის ჟიურიმ 4 საუკეთესო პროექტი შეარჩია და მათი ავტორი ქართველი მასწავლებლები 2024 წლის აგვისტოში ტურკუში (ფინეთი) საერთაშორისო ფესტივალში მიიღებენ მონაწილეობას.
ჟიურის რჩეული პროექტები გახდნენ:
▶ პროექტი: „პლასტმასა VS მცენარე“
🔹 სკოლა: სერვანტესის სახელობის გიმნაზია AIA GESS, თბილისი
🔹 პედაგოგი: თამარ ტურაშვილი
▶ პროექტი: „დარგე ემოცია“
🔹 სკოლა: სსიპ ქ. გორის #8 საჯარო სკოლა
🔹 პედაგოგი: ნინო ფსუტური
▶ პროექტი: “ჭიქა წყლის საიდუმლოებანი (მეშვიდეკლასელის დაკვირვება ფერწერულ ტილოზე)”
🔹 სკოლა: ქართული სასწავლებელი, თბილისი
🔹 პედაგოგი: ინესა ბეჟანოვა
▶ პროექტი: „ნიადაგის მჟავიანობის შესწავლა“ „
🔹 სკოლა: გორის მუნიციპალიტეტის სოფელ ტინისხიდის საჯარო სკოლა
🔹 პედაგოგები: მაკა მაკარიძე, ჟანა ყუთულაშვილი, ნანა დემეტრაშვილი
⏹ წლევანდელი ფესტივალის მხარდამჭერები იყვნენ საქართველოს ფიზიკის მასწავლებელთა ასოციაცია, გამომცემლობა „ინტელექტი”, სულაკაურის გამომცემლობა, WWF, UniLab • უნილაბი.
ქსელის შესახებ
⏺ Science on Stage, ევროპის საბუნებისმეტყველო მეცნიერებების მასწავლებელთა ქსელი, მიზნად ისახავს, გააუმჯობესოს STEM განათლება ევროპაში მასწავლებლების პროფესიული განვითარების მხარდაჭერითა და წახალისებით, ასევე ხელი შეუწყოს მოსწავლეთა ხარისხიან განათლებას საბუნებისმეტყველო მეცნიერებებში.
⏺ ქსელში გაერთიანებულია ევროპის 34 ქვეყანა. საქართველო ამ ქსელის წევრია 2016 წლიდან. ილიას სახელმწიფო უნივერსიტეტი და მისი საბუნებისმეტყველო განათლების კვლევითი ცენტრი SALiS Science on Stage-ის ოფიციალური წარმომადგენელია საქართველოში.
⏺ ორ წელიწადში ერთხელ ქსელის წევრ ქვეყნებში ეწყობა ეროვნული ფესტივალი დევიზით „მასწავლებლები მასწავლებლებისთვის“. ჟიურის მიერ შერჩეული ეროვნული პროექტები კი ქვეყანას საერთაშორისო ფესტივალზე წარადგენენ.
ფესტივალის ფოტოები შეგიძლიათ ნახოთ შემდეგ ბმულზე:
ibm-quantum-system-one_ces-2020_credit_ibm

საერთაშორისო პროექტი საბაზო და საშუალო საფეხურის მასწავლებლებისთვის – “კვანტური კომპიუტინგი (გამოთვლები) STEM განათლებაში”

,

Science on Stage ევროპა – საბუნებისმეტყველო საგნების მასწავლებელთა ქსელი აცხადებს საერთაშორისო პროექტს თემაზე –“კვანტური კომპიუტინგი (გამოთვლები) STEM განათლებაში”. პროექტში მონაწილეობას მიიღებს საბაზო და საშუალო  საფეხურის 20 მასწავლებელი ევროპის სხვადასხვა ქვეყნიდან.
 
პროექტის მიზნები: 
  • მეტი მოსწავლე დაინტერესდეს კვანტური კომპიუტინგით და მოხდეს ამ სფეროსთან დაკავშირებული სასწავლო რესურსების განვითარება და პრაქტიკაში დანერგვა.
  • ისეთი რესურსების შექმნა, რომელთა  გამოყენება შესაძლებელი იქნება, თუნდაც მცირე გამოცდილების მქონე მასწავლებლებისთვის (ფიზიკის, მათემატიკისა და კომპიუტერული მეცნიერებების მიმართულებით).
  •  მოსწავლეებმა დაინახონ და გაიაზრონ ამ დარგის მნიშვნელობა და შეისწავლონ ფუნდამენტური კვანტური მექანიკის ცნებები.
  • ანალიტიკური და კრიტიკული აზროვნების, გუნდური მუშაობისა და პრობლემის გადაჭრის უნარების განვითარება მოსწავლეებში.

განაცხადის წარდგენის პროცესი:

პროექტში მონაწილეობის მისაღებად გთხოვთ, ჩამოტვირთოთ და შეავსოთ თანდართული ფორმა, რომელიც განთავსებულია ბმულზე:
https://www.science-on-stage.eu/project/quantum-computing
პროექტში შეირჩევა საბაზო და საშუალო საფეხურის 20 მასწავლებელი ევროპის სხავადსხვა ქვეყნიდან, რომლებიც იმუშავებენ საერთაშორისო გუნდში 2 წლის განმავლობაში. შერჩევის შემთხვევაში, მასწავლებლები მონაწილეობას მიიღებენ 2 შეხვედრაში – პირველი შეხვედრა იგეგმება 2024 წლის დასაწყისში (26-29 იანვარი ან 16-18 თებერვალი), მეორე კი 2025 წლის გაზაფხულზე.   ორივე შეხვედრაში მონაწილეობა სავალდებულოა. 
ცხოვრების და კვების ხარჯები მთლიანად დაფინანსდება ორგანიზატორების მიერ.ინგლისური ენის ცოდნა სავალდებულოა იმ დონეზე, რომ პედაგოგებმა მუშაობა შეძლონ საერთაშორისო ჯგუფში.
.
 შევსებული განაცხადი უნდა გადააგზავნოთ შემდეგ ელ.ფოსტის მისამართზე: d.neumann@science-on-stage.de
 განცხადების გაგზავნის ბოლო ვადაა 2023 წლის 11 ოქტომბერი.
ISU_7734

ვორქშოპი საბუნებისმეტყველო საგნების მასწავლებლებისთვის

,

შაბათს, 18 მარტს,  ილიაუნის საბუნებისმეტყველო განათლების კვლევითი ცენტრის SALiS ის ლაბორატორიაში Science on Stage -ის ქსელის ფარგლებში საბუნებისმეტყველო საგნების პედაგოგებისთვის ჩატარდა ვორქშოპი.
 
ვორქშოპს უძღვებოდნენ Science on Stage -ის 2022 წლის პრაღის საერთაშორისო ფესტივალის მონაწილე პედაგოგები: ნინო აბესაძე (გიმნაზია აია-ჯესსის და  ქართულ-ბრიტანული სკოლა ბიჯიესის ფიზიკის და ბუნებისმეტყველების მასწავლებელი, თბილისი), ქეთევან ედიბერიძე (სკოლა “ანაბასისის” ქიმიის მასწავლებელი, ზესტაფონი), ინესა ბეჟანოვა  (“ქართული სასწავლებლის” ფიზიკის და ბუნებისმეტყველების მასწავლებელი, თბილისი) და მარინე ბაგალიშვილი (თბილისის 145-ე საჯარო სკოლის ბიოლოგიის და ბუნებისმეტყველების მასწავლებელი). მათ გაუზიარეს თავიანთი გამოცდილება პრაღის საერთაშორისო ფესტივალის შესახებ პედაგოგებს და ილიას სახელმწიფო უნივერსიტეტის მასწავლებლის მომზადების პროგრამის სტუდენტებს, და საინტერესო აქტივობები ჩაატარეს.
314472534_544319274171312_323839665036181961_n

მეორე საინფორმაციო შეხვედრა ეროვნულ ფესტივალთან დაკავშირებით

,

 

2023 წლის 20 მარტს ეროვნულ ფესტივალში მონაწილეობით დაინტერესებული პედაგოგებისთვის გაიმართა მეორე   საინფორმაციო შეხვედრა.

გიზიარებთ შეხვედრის ჩანაწერს და პრეზენტაციას:

მეორე საინფორმაციო შეხვედრა ეროვნულ ფესტივალთან დაკავშირებით

Science on Stage_20.03.23

 

314472534_544319274171312_323839665036181961_n

მესამე ეროვნული ფესტივალი

,

 

ილიას სახელმწიფო უნივერსიტეტის  საბუნებიმეტყველო განათლების კვლევითი ცენტრი SALiS და „მეცნიერება მთავარ როლში (Science on Stage) საქართველო“ საბუნებისმეტყველო საგნების დაწყებითი, საბაზო და საშუალო საფეხურის მასწავლებლებს  იწვევს მესამე ეროვნულ ფესტივალში მონაწილეობის მისაღებად. ფესტივალის დევიზია – მასწავლებლები მასწავლებლებისთვის.

მესამე ეროვნული ფესტივალი ჩატარდება 2023 წლის 24 ივნისს.

საბუნებისმეტყველო საგნების პედაგოგებს ფესტივალზე საშუალება ექნებათ წარადგინონ ის კვლევითი პროექტები და ინოვაციური იდეები, რომლებსაც მოსწავლეებთან ერთად ახორციელებენ.

 

ფესტივალზე წარმოდეგნილი იქნება შემდეგი მიმართულებები:

  • საბუნებისმეტყველო მეცნიერებები პატარებისთვის

(პროქტები ბაღის, სკოლამდელი  განათლებისა და დაწყებითი საფეხურის მოსწავლეებისთვის)

  • საბუნებისმეტყველო განათლება მდგრადი განვითარებისთვის

(პროექტში უნდა წარმოჩინდეს, როგორ უწყობს ხელს STEM განათლება მდგრადი განვითარების  მიზნების მიღწევას)

  • ტექნოლოგიები საბუნებისმეტყველო განათლებაში

(პროექტები, რომელიც გულისხმობს კოდირებას, ინფორმაციული და საკომუნიკაციო ტექნოლოგიების გამოყენებას, ქსელების უსაფრთხოებას, ვირტუალურ რეალობას (VR)  და ხელოვნურ ინტელექტს (AI))

  • მრავალფეროვანი სასწავლო მიდგომები საბუნებისმეტყველო განათლებაში

 (პროექტი უნდა წარმოაჩენდეს ბუნებისმეტყველების   ორიგინალური სწავლების მეთოდებს  – ინკლუზიური განათლება, განსაკუთრებით ნიჭიერი მოსწავლეები, უფროსი და უმცროსი მოსწავლეების თანამშრომლობა, მრავალეროვანი, ან მრავალენოვანი კლასები და სხვა)

  • შემოქმედებითი მიდგომა საბუნებისმეტყველო განათლებაში – STEAM

(საბუნებისმეტყველო მეცნიერებების სწავლება სხვადასხვა საგნებთან ინტეგრაციის გზით – ხელოვნება, სპორტი, მუსიკა, ტექნოლოგიები და სხვა)

  • იაფი ტექნოლოგიები STEM განათლებაში

(იაფი ტექნოლოგიების გამოყენება – დაბალბიუჯეტიანი პროქტები)

  • STEM მომავალი მასწავლებლებისთვის

(პროექტები, რომლებიც შემუშავდა მასწავლებელთა მომზადების პროგრამების განხორციელებისას).

ფესტივალზე ნამუშევრები წარმოდგენილი უნდა იყოს მოდელის და პოსტერის სახით.

 

შეფასების კრიტერიუმები:

  • პროექტის იდეა ორიგინალურია
  • პროექტი ხელს უწყობს კვლევაზე დაფუძნებული სწავლების დანერგვას
  • პროექტი ხელს უწყობს მოსწავლეთა საბუნებისმეტყველო მეცნიერებებისადმი ინტერესის ზრდას
  • პროექტი ხელს უწყობს განათლებას მდგრადი განვითარებისთვის
  • პროექტი დაკავშირებულია მოსწავლეთა ყოველდღიურ ცხოვრებასთან
  • პროექტის განხორციელება რეალისტურია სასკოლო გარემოში და მოითხოვს გონივრულ დანახარჯებს

Science on Stage საქართველოს ჟიურის წევრების მიერ შერჩეული პროექტები მოწვეული იქნებიან მესამე ეროვნულ ფესტივალში მონაწილეობისთვის.

 

ეროვნული ფესტივალის ფარგლებში შეირჩევა ოთხი საუკეთესო პროექტი, რომელიც თავის მხრივ, მონაწილეობას მიიღებს Science on Stage საერთაშორისო ფესტივალზე 2024 წლის 12-15 აგვისტოს, ფინეთის ქალაქ ტურკუში.

Science on Stage საერთაშორისო ფესტივალის შესახებ დეტალური ინფორმაცია იხილეთ: https://www.science-on-stage.eu/science-stage-festival-2024

 

გთხოვთ, გაითვალისწინოთ, რომ ეროვნულ ფესტივალზე პროექტს შესაძლებელია ჰყავდეს რამდენიმე ავტორი, მაგრამ, საერთაშორისო საორგანიზაციო კომიტეტის მოთხოვნების შესაბამისად, მათგან მხოლოდ ერთი წარადგენს პროექტს საერთაშორისო ფესტივალზე.

ეროვნულ ფესტივალში მონაწილეობის მსურველებმა უნდა გაიარონ რეგისტრაცია, სარეგისტრაციო ფორმაში წარმოადგინონ  პროექტის მოკლე აღწერა (სიტყვების მაქსიმალური რაოდენობა – 250) და შესაბამისი ვიდეო (მაქსიმალური ხანგრძლივობა – 2წთ.)  გთხოვთ, თქვენი პროექტები გაგვიზიაროთ ა.წ. 28 მაისამდე Google Forms  საშუალებით.

 

https://forms.gle/EYmev9AfzARGYLxX8

 

ეროვნულ ფესტივალში მონაწილეობით დაინტერესებული პედაგოგებისთვის ჩატარდება საინფორმაციო შეხვედრა Zoom-ის პლატფორმის საშუალებით ა.წ. 20 მარტს, 19.00 საათზე.

 

https://iliauni-edu-ge.zoom.us/j/86753619741

Meeting ID: 867 5361 9741

 

ფესტივალის შესახებ შეკითხვის შემთხვევაში მოგვმართეთ ელ. ფოსტის საშუალებით:

salis@iliauni.edu.ge

 

 

stem_icon1

კონკურსი დაწყებითი საფეხურის მასწავლებლებისთვის

გაცნობებთ, რომ Science on Stage გერმანია იწყებს ახალ პროექტს დაწყებითი
სკოლებისათვის. პროექტში მონაწილეობას მიიღებს დაწყებითი საფეხურის 20
მასწავლებელი ევროპის სხვადასხვა ქვეყნიდან. პროექტის სამუშაო თემაა „STEM
ექსპერიმენტების სასწავლო ვიდეო“ დაწყებითი საფეხურისთვის.

პროექტის მიზნები:
– პროეტის „მასწავლებლები მასწავლებლებისთვის“ ფარგლებში STEM
ექსპერიმენტების სასწავლო ვიდეობის შექმნა თემაზე: „შევიმეცნოთ და გადავარჩინოთ
ბუნება“.
– დამხმარე მასალების განვითარება დაწყებითი საფეხურისთვის დიფერენცირებული
მიდგომებისთვის.
– გუნდური მუშაობის, კომუნიკაციის უნარებისა და შემოქმედებითი უნარების
განვითარების ხელშეწყობა მოსწავლეებში.აპლიკაციის პროცესი:
პროექტში მონაწილეობის მისაღებად გთხოვთ, ჩამოტვირთოთ და შეავსოთ თანდართული ფორმა

https://docs.google.com/document/d/1weqNSv6mPhWK_siiTWcYojGVmFcH9Phh/edit?usp=sharing&ouid=114883089247770323734&rtpof=true&sd=true

(ივსება მხოლოდ ფორმა).

 პროექტში შეირჩევა დაწყებითი საფეხურის 20 მასწავლებელი,
რომელიც იმუშავებს საერთაშორისო გუნდში წელიწად-ნახევრის განმავლობაში.
შერჩევის შემთხვევაში, თქვენ მონაწილეობას მიიღებთ 2 შეხვედრაში – 2023 წლის
გაზაფხულზე და 2024 წლის გაზაფხულზე. პირველი შეხვედრა გაიმართება 2023 წლის
14-16 აპრილს, ბერლინში. ორივე შეხვედრაში მონაწილეობა სავალდებულოა.

პროექტის ორგანიზატორია Science on Stage Germany. მგზავრობის, ცხოვრების და
კვების ხარჯები მთლიანად დაფინანსდება ორგანიზატორების მიერ.
შევსებული განაცხადი უნდა გადააგზავნოთ შემდეგ ელ.ფოსტის მისამართზე:
info@science-on-stage.de.
განცხადების გაგზავნის ბოლო ვადაა 2023 წლის 12 თებერვალი.
317292962_546512513554369_740046953624178731_n

მოსწავლეთა ლაბორატორია ფიზიკაში

 

მოსწავლეთა ლაბორატორია ილიას სახელმწიფო უნივერსიტეტში 

ფიზიკა

საბაზო და საშუალო საფეხური

 

ილიას სახელმწიფო უნივერსიტეტის საბუნებისმეტყველო განათლების კვლევითი ცენტრი SALiS აგრძელებს მოსწავლეთა ლაბორატორიების პროექტს.

საქართველოს საჯარო და კერძო სკოლებიდან ვიწვევთ მე – 9 -12 კლასის მოსწავლეებს და მათი ფიზიკის მასწავლებლებს, რომელებიც ჩაატარებენ კვლევით აქტივობებს ფიზიკაში ილიაუნის SALiS ლაბორატორიაში.

ლაბორატორიები ჩატარდება პარასკევობით, 12.00 საათიდან, ხანგრძლივობა – 2 საათი.

კვლევითი ექსპერიმენტების თემატიკა:  ხახუნის ძალა; სითბო, ნივთიერების კუთრი სითბოტევადობა; მათემატიკური ქანქარა.

მისამართი: გიორგი წერეთლის #1, ილიას უნივერსიტეტის G კორპუსი, მე-5 სართული, საბუნებისმეტყველო განათლების კვლევითი ცენტრის SALiS ლაბორატორია.

 

გთხოვთ გაითვალისწინოთ, მოსწავლეთა ტრანსპორტირებას უნივერსიტეტში და უკან სკოლა უზრუნველყოფს.

 

მსურველებს გთხოვთ, შეავსოთ განაცხადი შემდეგ ბმულზე:

https://docs.google.com/forms/d/e/1FAIpQLSf3VvkMXswhePUwDtH6WJIxk6UZBhYAxiGgQuHQ81eHSQeKlQ/viewform

 

ლაბორატორიაში მოწვეული  იქნებიან სკოლები, რომელებიც  ჩვენგან მიიღებენ დასტურს და დამატებით შეტყობინებას. 

გთხოვთ გაითვალისწინოთ, რომ ერთი ვიზიტისას მონაწილეთა რაოდენობა შეზღუდულია – ერთდროულად მხოლოდ 15 მოსწავლესთან შეგვიძლია მუშაობა კვლევით ექსპერიმენტებზე.

დამატებითი ინფორმაციისათვის მოგვწერეთ : salis@iliauni.edu.ge

 

Load More

საბუნებისმეტყველო განათლების კვლევითი ცენტრი SALiS 2015

საიტი დამზადებულია ილიას სახლემწიფო უნივერსიტეტის საინფორმაციო ტექნოლოგიების სამსახურის მიერ