Science on Stage საქართველო

stem_icon1

კონკურსი დაწყებითი საფეხურის მასწავლებლებისთვის

გაცნობებთ, რომ Science on Stage გერმანია იწყებს ახალ პროექტს დაწყებითი
სკოლებისათვის. პროექტში მონაწილეობას მიიღებს დაწყებითი საფეხურის 20
მასწავლებელი ევროპის სხვადასხვა ქვეყნიდან. პროექტის სამუშაო თემაა „STEM
ექსპერიმენტების სასწავლო ვიდეო“ დაწყებითი საფეხურისთვის.

პროექტის მიზნები:
– პროეტის „მასწავლებლები მასწავლებლებისთვის“ ფარგლებში STEM
ექსპერიმენტების სასწავლო ვიდეობის შექმნა თემაზე: „შევიმეცნოთ და გადავარჩინოთ
ბუნება“.
– დამხმარე მასალების განვითარება დაწყებითი საფეხურისთვის დიფერენცირებული
მიდგომებისთვის.
– გუნდური მუშაობის, კომუნიკაციის უნარებისა და შემოქმედებითი უნარების
განვითარების ხელშეწყობა მოსწავლეებში.აპლიკაციის პროცესი:
პროექტში მონაწილეობის მისაღებად გთხოვთ, ჩამოტვირთოთ და შეავსოთ თანდართული ფორმა

https://docs.google.com/document/d/1weqNSv6mPhWK_siiTWcYojGVmFcH9Phh/edit?usp=sharing&ouid=114883089247770323734&rtpof=true&sd=true

(ივსება მხოლოდ ფორმა).

 პროექტში შეირჩევა დაწყებითი საფეხურის 20 მასწავლებელი,
რომელიც იმუშავებს საერთაშორისო გუნდში წელიწად-ნახევრის განმავლობაში.
შერჩევის შემთხვევაში, თქვენ მონაწილეობას მიიღებთ 2 შეხვედრაში – 2023 წლის
გაზაფხულზე და 2024 წლის გაზაფხულზე. პირველი შეხვედრა გაიმართება 2023 წლის
14-16 აპრილს, ბერლინში. ორივე შეხვედრაში მონაწილეობა სავალდებულოა.

პროექტის ორგანიზატორია Science on Stage Germany. მგზავრობის, ცხოვრების და
კვების ხარჯები მთლიანად დაფინანსდება ორგანიზატორების მიერ.
შევსებული განაცხადი უნდა გადააგზავნოთ შემდეგ ელ.ფოსტის მისამართზე:
info@science-on-stage.de.
განცხადების გაგზავნის ბოლო ვადაა 2023 წლის 12 თებერვალი.
sonsde_sdg_futureleague_logo_rgb_144dpi

საერთაშორისო კონკურსი – მომავლის ლიგა

მომავლის ლიგა

 

Science on Stage ევროპა – საბუნებისმეტყველო საგნების მასწავლებელთა ქსელი აცხადებს საერთაშორისო კონკურსს თემაზე – მდგრადი განვითარების მიზნების დანერგვა STEM გაკვეთილებზე.

 

კონკურსზე მასწავლებლებმა უნდა წარმოადგინონ პროექტები, რომლებსაც ისინი დანერგავენ თავიანთ მოსწავლეებთან ერთად კლასში STEM გაკვეთილებზე. პროექტი უნდა მოიცავდეს გაეროს მდგრადი განვითარების 17 მიზნიდან ერთ, ან რამდენიმე მიზანს.

კონკურსში მონაწილეობის მიღება შეუძლია როგორც საჯარო, ასევე კერძო სკოლის მასწავლებლებს, რომლებიც ასწავლიან დაწყებით, საბაზო ან საშუალო საფეხურზე.

 

კონკურსზე მასწავლებლებმა უნდა წარადგინონ პოსტერი ინგლისურ ენაზე და პროექტის მიმდინარეობის მოკლე ვიდეო (აიტვირთება science on stage – ის ვებ. გვერდზე).

პროექტის წარდგენის ბოლო ვადაა 2023 წლის 15 ივნისი.

 

შერჩევის კრიტერიუმები:

 

  • შემოქმედებითობა
  • მოსწავლეთა ჩართულობა
  • თემის ჩართულობა (სკოლა, ქალაქი, რეგიონი)
  • ინოვაციურობა და შედეგების წარდგენა
  • განათლება მდგრადი განვითარებისთვის მიდგომის გათვალისწინება

 

კონკურსის შემდეგი ეტაპი:

 

საერთაშორისო ჟიური მთელი ევროპის მასტშაბით შეარჩევს 10 გამარჯვებულ პროექტს (3 მოსწავლე და 2 მასწავლებელი თითოეული გამარჯვებული პროექტიდან). მასწავლებლები და მოსწავლეები თავიან პროექტებს წარადგენენ საერთაშორისო ფინალურ  ღონისძიებაზე.

 

კონკურსის ჯილდო:

მასწავლებლებისთვის – Science on Stage ის საერთაშორისო ფესტივალში მონაწილეობა ფინეთში, ტურკუში, 2024 წლის 12 – 15 აგვისტოს.

მოსწავლეებს ელოდებათ სიურპრიზი.

 

დეტალური ინფორმაცია ამ კონკურსის შესახებ შეგიძლიათ იხილოთ:

https://www.science-on-stage.eu/project/future-league

 

ან მოგვმართეთ ელ. ფოსტის საშუალებით:

salis@iliauni.edu.ge

ფოტო ვორქშოპისთვის

ვორქშოპი – მასწავლებლები მასწავლებლებისთვის

ვორკშოპი საბუნებისმეტყველო მეცნიერებების მასწავლებლებისთვის

საერთაშორისო ფესტივალის  Science on Stage-2022 გამოცდილების გაზიარება

 

2016 წლის ნოემბრიდან საქართველო შეუერთდა საბუნებისმეტყველო მეცნიერებების მასწავლებელთა ევროპულ პლატფორმას – Science on Stage (https://www.science-on-stage.eu/)  .

Science on Stage-ის საქართველოს ოფიციალური წარმომადგენელი საქართველოში არის ილიას სახელმწიფო უნივერსიტეტის საბუნებისმეტყველო განათლების კვლევითი ცენტრი SALiS (https://salis.iliauni.edu.ge/) .

 

2022 წელს, უკვე მესამედ საქართველოს მასწავლებელები მონაწილეობდნენ Science on Stage საერთსორისო ფესტივალში პრაღაში.  გთავაზობთ, ფესტივალის მონაწილე მასწავლებლების – ინესა ბეჟანოვას (ბუნებისმეტყველება, ფიზიკა), ნინო აბესაძის (ბუნებისმეტყველება, ფიზიკა) და ქეთევან ედიბერიძის (ქიმია) მიერ ჩატარებულ ვორკშოპს, რომელზეც ისინი პრაღაში მიღებულ გამოცდილებას გაგიზიარებენ.

ვორკშოპზე თითოეული პედაგოგი მონაწილეობას მიიღებს აქტივობებში და მათ გადაეცამათ შესაბამისი მასალა.

 

ვორკშოპი ჩატარდება შაბათს, 17 დეკემბერს, 11:00 საათიდან  14:00 საათმდე. 

მისამართი: გიორგი წერეთლის #1, ილიას უნივერსიტეტის G კორპუსი, მეხუთე სართული, საბუნებისმეტყველო განათლების კვლევითი ცენტრის SALiS ლაბორატორია

 

მსურველებს გთხოვთ შეავსოთ განაცხადი შემდეგ ბმულზე:

https://forms.gle/gjjS89qeawDwX5DY9

 

ვორკშოპზე მოწვეული იქნება  დარეგისტრირებული პირველი 18 მონაწილე, რომლებიც მიიღებენ დასტურს და დამატებით შეტყობინებას ჩვენგან. 

გთხოვთ გაითვალისწინოთ, რომ მონაწილეთა რაოდენობა შეზღუდულია.

 

დამატებითი ინფორმაციისათვის მოგვწერეთ : salis@iliauni.edu.ge

 

 

 

 

314472534_544319274171312_323839665036181961_n

საინფორმაციო შეხვედრა მესამე ეროვნულ ფესტივალთან დაკავშირებით.

2022 წლის 11 ნოემბერს გაიმართა საინფორმაციო შეხვედრა საბუნებისმეტყველო საგნების პედაგოგებთან და ყველა დაინტერესებულ პირთან Science on Stage – ის მესამე ეროვნულ ფესტივალთან დაკავშირებით.

გიზიარებთ შეხვედრის ჩანაწერს და პრეზენტაციას:

Science on Stage_11.11.22 

bc04ae8a9b02f70a4e3cf655a68b974f_62138

იმოქმედე დღესვე! დაიწყე სასწავლო წელი მდგრადი განვითარებით

,

საბუნებისმეტყველო მეცნიერებების მასწავლებელთა ევროპული პლატფორმა Science on Stage გიწვევთ მონაწილეობის მისაღებად ინსტაგრამის გამოწვევაში: ,,იმოქმედე დღესვე! დაიწყე სასწავლო წელი მდგრადი განვითარებით“.

მდგრადი განვითარება მნიშვნელოვანი საკითხია განსაკუთრებით ახალგაზრდებისთვის. თუ ხართ სკოლის მასწავლებელი, რომელიც აქტიურად მუშაობს მოსწავლეებთან STEM მიმართულებით, საშუალება გეძლევათ, მსოფლიოს გააცნოთ თქვენი პროექტი.

ილიას სახელმწიფო უნივერსიტეტის საბუნებისმეტყველო განათლების კვლევითი ცენტრი SALiS Science on Stage-ის ოფიციალური წარმომადგენელია საქართველოში, შესაბამისად, ქართველ მასწავლებლებს შეუძლიათ, თუ სურთ, ჩაერთონ ამ წამოწყებაში.

კონკურსის მიზანია ევროპის სხვადასხვა ქვეყნის პედაგოგებმა ერთმანეთს გაუზიარონ გამოცდილება და აჩვენონ, როგორ ახერხებენ მდგრადი განვითარების 17 მიზნის (SDG) STEM-გაკვეთილებში გაერთიანებას.

როგორ მივიღოთ მონაწილეობა:

მონაწილეობის მისაღებად ინსტაგრამზე უნდა ატვირთოთ მაქსიმუმ 90-წამიანი ვიდეო, რომელშიც აჩვენებთ პროექტის შინაარსსა და კავშირს მდგრად განვითარებასთან, ასევე უნდა ახსნათ, მას კლასში როგორ ახორციელებთ.
აუცილებელია ვიდეოზე მონიშნოთ/დათაგოთ Science on Stage Europe, რომ შესაძლებელი იყოს თქვენი ვიდეოს გაზიარება Science on Stage-ის გვერდზე (@scienceonstageeurope).

ყველაზე მეტი მოწონების მქონე ვიდეო მიიღებს სიმბოლურ პრიზებს.

კონკურსი მიმდინარეობს 2021 წლის 1 ოქტომბრიდან 1 ნოემბრამდე.

დაწვრილებითი ინფორმაცია კონკურსის პირობების შესახებ შეგიძლიათ იხილოთ ბმულზე: here.

#sdginstem

 

 

________________________________________________________________________

 

 

კონკურსის წესები და პირობები:

  • ღონისძიების ორგანიზატორია: Science on Stage Europe e.V-ის ოფისი ბერლინში;
  • კონკურსში მონაწილეობა შეუძლიათ სკოლის მასწავლებლებს – Science on Stage-ის პარტნიორი ქვეყნების მოქალაქეებს;
  • კონკურსში მონაწილეობისთვის არ არის დაწესებული გადასახადი;
  • კონკურსში მონაწილეობით მასწავლებელი ეთანხმება და დაიცავს კონკურსის პირობებს;
  • კონკურსის შესახებ ოფიციალური ინფორმაცია და დამატებითი პირობები მოცემულია ბმულზე: https://bit.ly/3u2ttgt;
  • კონკურსი ჩატარდება ინსტაგრამზე;
  • ერთ ადამიანს შეუძლია მხოლოდ ერთი ჩანაწერის ატვირთვა;
  • კონკურსი სრულდება 2021 წლის 1 ნოემბერს. ამ თარიღის შემდეგ მიღებული ვიდეოები არ განიხილება;
  • მონაწილეობისთვის უნდა დაიცვათ კონკურსის წესები:
    • ატვირთეთ 90-წამიანი ვიდეო ინსტაგრამზე (IGTV). რომელშიც აჩვენებთ თქვენს პროექტს, თუ როგორ ჩართეთ კლასის მუშაობაში მდგრადი განვითარების მიზნები;
    • ვიდეოს ატვირთვისას აუცილებლად უნდა მონიშნოთ/დათაგოთ Science on Stage Europe (@scienceonstageeurope);
    • კონკურსის ვადა: 2021 წლის 1 ოქტომბერი – 1 ნოემბერი;
    • მასწავლებელი, რომლის ვიდეოც ყველაზე მეტ მოწონებას დაიმსახურებს, მიიღებს სიმბოლურ საჩუქარს;
    • მოწონება, ანუ like-ების რაოდენობა, დაითვლება 2021 წლის 1 ნოემბრის 10:00 საათის (CET) მონაცემით.
  • შინაარსი უნდა აკმაყოფილებდეს შემდეგ კრიტერიუმებს:
    • უნდა იყოს მასწავლებლის ორიგინალური ნამუშევარი და არ იყოს აღებული სრულად ან ნაწილობრივ სხვა წყაროდან;
    • უნდა ჩანდეს, რომ შინაარსი რეალურია;
    • შინაარსი არ უნდა არღვევდეს რომელიმე მესამე მხარის უფლებებს;
    • შინაარსი არ უნდა იყოს გამოსაქვეყნებლად შეუსაბამო ან უვარგისი (მაგ., შეიცავდეს სიშიშვლეს, უხამსობას ან სიძულვილის ენას);
    • გაითვალისწინეთ, რომ წერილობითი თანხმობა უნდა გქონდეთ ყველა იმ პირისა, რომელთა სახეებიც გამოჩნდება ვიდეოსა თუ ფოტომასალაში; არასრულწლოვანი პირების შემთხვევაში კი – მათი კანონიერი მეურვის წერილობითი თანხმობა;
  • ორგანიზატორი იტოვებს უფლებას, შეცვალოს ან გააუქმოს კონკურსი და მოცემული წესები კატასტროფის, ომის, სამოქალაქო თუ სამხედრო არეულობის ან რაიმე მოქმედი კანონის ან რეგულაციის ფაქტობრივი ან მოსალოდნელი დარღვევისას. ორგანიზატორი უმოკლეს ვადაში აცნობებს მონაწილეებს აღნიშნული ცვლილებების შესახებ;
  • ორგანიზატორი არ არის პასუხისმგებელი მესამე მხარის მიერ შემოთავაზებულ პრიზებსა და პრიზების შესახებ ინფორმაციის სისწორეზე;
  • პრიზები:
    • ზურგჩანთა ყოველდღიური გამოყენებისთვის, ფუნქციური, ბევრი საჭირო დეტალით. დამზადებული გარემოს არადამაბინძურებელი მასალისგან;
    • პრიზი განსაზღვრულია და თანხა ან სხვა ალტერნატივა არ იქნება შემოთავაზებული. პრიზები ხელმისაწვდომია და ორგანიზატორი იტოვებს უფლებას, ისინი შეთანხმების გარეშე შეცვალოს სხვა მსგავსი პრიზებით;
  • გამარჯვებულები შეირჩევიან სოციალური მედიაპლატფორმის გამოყენებით (ინსტაგრამის მოწონებები), ხოლო Science on Stage დაითვლის ხმებს და გამოაცხადებს შედეგებს;
  • გამარჯვებულს შეტყობინება გაეგზავნება მეილზე ან ინსტაგრამზე კონკურსის დასრულებიდან 28 დღის განმავლობაში. თუ შეტყობინების მიღებიდან 14 დღის განმავლობაში გამარჯვებული პრიზს არ აიღებს, ორგანიზატორი იტოვებს უფლებას, ის გადასცეს შემდეგ გამარჯვებულს;
  • ორგანიზატორი შეატყობინებს გამარჯვებულს, როდის და სად მიიტანენ მის კუთვნილ პრიზს;
  • ორგანიზატორის გადაწყვეტილება კონკურსთან დაკავშირებულ ყველა საკითხზე იქნება საბოლოო და არ დაექვემდებარება არანაირ კორესპონდენციას;
  • გამარჯვებული ეთანხმება, რომ ორგანიზატორმა გამოიყენოს:
    • მისი სახელი;
    • ქვეყნის დასახელება;
    • ინსტაგრამი;
    • ფოტოსურათი;
    • ვიდეო, რომელიც მონაწილემ კონკურსისთვის ატვირთა.

გამარჯვებულის თუ სხვა მონაწილის ნებისმიერ საჯარო მასალას (საწყისი გვერდი, საინფორმაციო ბიულეტენი, Instagram, Twitter, Facebook, YouTube, LinkedIn) და ნებისმიერ სხვა პერსონალურ მონაცემს (როგორიცაა პირადი მისამართი), ორგანიზატორი გამოიყენებს მხოლოდ მონაცემთა დაცვის ზოგადი დებულების (GDPR) შესაბამისად. ინფორმაცია არ იქნება გამჟღავნებული მესამე პირისთვის მონაწილის წინასწარი თანხმობის გარეშე. გამარჯვებული თავის ინფორმაციას მიაწვდის Science on Stage-ს და არა რომელიმე სხვა მხარეს. მოწოდებული ინფორმაცია გამოყენებული იქნება კონფიდენციალურობის პოლიტიკის შესაბამისად (ინფორმაცია შეგიძლიათ იხილოთ აქ here);

  • კონკურსში მონაწილეობა ავტომატურად ჩაითვლება მოცემულ წესებსა და პირობებზე თანხმობად;
  • ეს კონკურსი არ არის დაფინანსებული, ადმინისტრირებული, ან ასოცირებული Instagram-თან, Facebook-თან, Twitter-თან ან სხვა სოციალურ ქსელთან;
  • ინსტაგრამი არ არის პასუხისმგებელი ამ კონკურსზე. კონკურსთან დაკავშირებული ნებისმიერი მოთხოვნა არ უნდა იყოს მიმართული მისკენ;
  • Science on Stage-ს აქვს უფლება, ნებისმიერ დროს შეხედულებისამებრ შეცვალოს მოცემული პირობები. ცვლილება ამოქმედდება ამ ვებგვერდზე გამოქვეყნებისთანავე.
2021 წელი
gamarjvebulebis postistvis სჰესწორებული

მეორე ეროვნული ფესტივალის შედეგები

,

19 ივნისს, შაბათს ფესტივალი  გამორჩეულად საინტერესოდ წარიმართა. წარმოდგენილი იყო 19 ერთმანეთისგან სრულიად განსხვავებული ნამუშევარი.  განსაკუთრებით აღსანიშნია ის ძალისხმევა, რომელიც გაწია თოთოეულმა მონაწილემ პანდემიის რთულ პერიოდში.

მეორე ეროვნული ფესტივალის შეხვედრის ვიდეო ჩანწერი

> ფესტივალის პროგრამა_19.06.21

 

საერთაშორისო ფესტივალზე წარსადგენად ჟიურის გადაწყვეტილებით შეირჩა ოთხი პროექტი სხვადასხვა მიმართულებით, რომელიც საქართველოს სახელით წარსდგება საერთაშორისო ფესტივალზე პრაღაში 2022 წლის მარტში.  გადაწყვეტილების მიღებისას ყურადღება მიექცა თუ რამდენად იყო პროექტში განხორციელებული კვლევა მოსწავლეთა მონაწილეობით.

შერჩეული  პროექებია:

 

საბუნებისმეტყველო მეცნიერებები პატარებისთვის

პროექტი: ელექტრობა ჩვენს ცხოვრებაში

ხელმხძღვანელი/მასწავლებელი: ინგა შავაძე

სკოლა: სსიპ ილია ჭავჭავაძის სახელობის თბილისის 23-ე საჯარო სკოლა

 

მრავალფეროვანი სასწავლო მიდგომები საბუნებისმეტყველო განათლებაში

პროექტი: ქალაქის ყოფა Covid-19 პანდემიის დროს, დანახული VI კლასის მოსწავლის თვალით

ხელმძღვანელი/მასწავლებელი: ინესა ბეჟანოვა

სკოლა: ქართული სასწავლებელი – თბილისი

 

შემოქმედებითი მიდგომა საბუნებისმეტყველო განათლებაში

პროექტი:STEAM- მცენარეული საღებავების გამოყენების ტრადიციები საქართველოში

ხელმძღვანელი/მასწავლებელი:  მარინე ბაგალიშვილი

სკოლა:სსიპ ქალაქ თბილისის #145 საჯარო სკოლა

 

საბუნებისმეტყველო განათლება მდგრადი განვითარებისთვის

პროექტი: – არა პოლიეთილენს!

ხელმძღვანელი/მასწავლებელი:  ქეთევან ედიბერიძე,

სკოლა: სპს თავაძე და კომპანია სკოლა ანაბასისი

199984237_4463943436951538_7622951179421292938_n

მეორე ეროვნული ფესტივალი „მეცნიერება მთავარ როლში“

,

19 ივნისს, 11:00-დან 18:00 საათამდე, თბილისში გაიმართება მეორე ეროვნული ფესტივალი „მეცნიერება მთავარ როლში“ ონლაინ, პლატფორმა ზუმის საშუალებით. ფესტივალში მონაწილეობენ საქართველოს სხვადასხვა რეგიონის როგორც კერძო, ასევე საჯარო სკოლების მასწავლებლები, რომლებიც წარმოადგენენ მოსწავლეებთან ერთად განხორციელებულ პროექტებს.

მასწავლებლებმა მოსწავლეებთან ერთად განხორციელებული 19 პროექტი წარადგინეს.
📽 ბმულზე შეგიძლიათ იხილოთ მათ მიერ წარმოდგენილი ნამუშევრები და პროექტები:

ფესტივალის დევიზია „მასწავლებლები მასწავლებლებისთვის“.

კომპეტენტური ჟიურის მიერ შერჩეული ოთხი საუკეთესო პროექტი საქართველოს სახელით 2022 წლის მარტში წარდგება საერთაშორისო ფესტივალზე პრაღაში.

პროექტის შესახებ:

⏺ Science on Stage – „მეცნიერება მთავარ როლში“ საბუნებისმეტყველო საგნების მასწავლებელთა ქსელია, რომელშიც 30 ქვეყანაზე მეტია გაერთიანებული. საქართველო ამ ქსელის წევრია 2016 წლიდან.

⏺ საქართველოში Science on Stage -ის ოფიციალური წარმომადგენელია ილიას სახელმწიფო უნივერსიტეტის საბუნებისმეტყველო განათლების კვლევითი ცენტრი SALiS-ია .

📆 დრო: 19 ივნისი, 11:00-18:00 საათი

ადგილი: ილიას სახელმწიფო უნივერსიტეტის ფეისბუქგვერდი, Science on Stage Georgia , საბუნებისმეტყველო განათლების კვლევითი ცენტრი SALiS

Capture

მეორე საინფორმაციო შეხვედრა „Science on Stage” – მეცნიერება მთავარ როლში

20 მარტს, 19.00 საათზე ჩატარდა  „Science on Stage“- ის („მეცნიერება მთავარ როლში“) მეორე საინფორმაციო შეხვედრა.

 

შეხვედრის ვიდეო ჩანაწერი შეგიძლიათ იხილოთ ბმულზე :

https://drive.google.com/file/d/14oy0feG2ScBQozY0TSBas0kjek8i_mzs/view?usp=sharing 

 

მნიშვნელოვანი დოკუმენტები:

 პროექტის შაბლონი/სტრუქტურა: 📝https://drive.google.com/file

სარეგისტრაცო ფორმა: 📝    https://forms.gle/3KxMaoL4q5hPi5RL7

 

მნიშვნელოვანი თარიღები:

პროექტის გამოგზავნის ბოლო ვადაა ა.წ. 5 ივნისი.

FB ჯგუფში პროექტების მოკლე აღწერილობისა და ვიდეოების გაზიარდება – 14-დან  19 ივნისის ჩათვლით.

ეროვნული ფესტივალი გაიმართება ონლაინ ფორმატში – 19 ივნისს

Science on Stage საერთაშორისო ფესტივალი გაიმართება პრაღაში –  2022 წლის 24-27 მარტს

 

Picture1

„Science on Stage” – პროექტების რეგისტრაცია დაიწყო

,

„Science on Stage“- ის („მეცნიერება მთავარ როლში“) კონკურსის ფარგლებში პროექტების მიღება დაიწყო!!!

———

მონაწილეობის მსურველებმა 5 ივნისის ჩათვლით უნდა შეავსოთ სარეგისტრაცო ფორმა: 📝    https://forms.gle/3KxMaoL4q5hPi5RL7

———

ეროვნული ფესტივალი გაიმართება 19 ივნისს, ილიას სახელმწიფო უნივერსიტეტში.

ღონისძიების შესახებ ინფორმაციას შეგიძლიათ გაეცნოთ  ბმულზე: https://salis.iliauni.edu.ge/science-on-stage
„Science on Stage“ – ის შესახებ ინფორმაცია შეგიძლიათ მოიძიოთ:

Load More