სიახლე

ge_pic_22824_1_b

პროექტის „PRESS“ – საბუნებისმეტყველო განათლება მდგრადი განვითარებისთვის ფინალური საერთაშორისო კონფერენცია და კონსორციუმის სამუშაო შეხვედრა

8-12 სექტემბერს ბათუმის შოთა რუსთაველის სახელმწიფო უნივერსიტეტში ევროკავშირის ,,ERASMUS+“- ის პროექტის „PRESS“ – საბუნებისმეტყველო განათლება მდგრადი განვითარებისთვის“ ფინალური საერთაშორისო კონფერენცია ჩატარდა და კონსორციუმის სამუშაო შეხვედრები გაიმართა. პროექტის კოორდინატორია ბრემენის უნივერსიტეტი (გერმანია), თანაკოორდინატორი კი ილიას სახელმწიფო უნივერსიტეტი (საქართველო).
კონფერენციის შესახებ დამატებითი ინფორმაცია და ფოტოები იხილეთ ბმულზე:
PRESS Logo v1

ERASMUS-ის პროექტ PRESS-ის საერთაშორისო კონფერენცია

  ილიას სახელმწიფო უნივერსიტეტი, ილიაუნის საბუნებისმეტყველო განათლების კვლევითი ცენტრი SALiS და ბათუმის შოთა რუსთაველის სახელმწიფო უნივერსიტეტი გიწვევთ ბათუმში, საერთაშორისო კონფერენციაში მონაწილეობის მისაღებად.

  კონფერენცია ტარდება ERASMUS-ის პროექტის PRESS-ის  (https://press-project.eu/) ფარგლებში.

  კონფერენციის თემა – “საბუნებისმეტყველო განათლება მდგრადი განვითარებისთვის”.   

  კონფერენციაში მონაწილეობის მიღება შეუძლიათ უმაღლესი და საჯარო სკოლების აკადემიურ პერსონალს და პედაგოგებს. ასევე, პირებს, რომლებიც დაინტერსებულნი არიან საბუნებისმეტყველო საგნების სწავლების გაუმჯობესების საკითხებით და  მდგრადი განვითარების მიდგომების ინტეგრირებით სასწავლო პრაქტიკაში.

  კონფერენცია ჩატარდება 2025 წლის 8 და 9 სექტემბერს

  კონფერენციის ჩატარების ადგილი – ბათუმის სახელმწიფო უნივერსიტეტი 

  კონფერენციაზე წარმოდეგნილი იქნება მოხსენებები და ვორქშოპები ქართველი და უცხოელი მკვლევარების მონაწილეობით. ვორქშოპებს ჩაატარებენ ბრემენის (გერმანია), ჰელსინკის (ფინეთი), კლაგენფურტის (ავსტრია), ნეგერი მალანგის (ინდონეზია), სულთან აგენგ ტირტაიასის (ინდონეზია), ბათუმის (საქართველო) და ილიაუნის (საქართველო) უნივერსიტეტების, ასევე დევიდ იელინის (ისრაელი) და ჰაიფას არაბული აკადემიური კოლეჯების (ისრაელი) აკადემიური პერსონალი.

  კონფერენციის დეტალური პროგრამა მოგვიანებით გამოქვეყნდება.

  მონაწილეთა რეგისტრაცია დაიწყება 15 ივლისს და დასრულდება 22 აგვისტოს. გიზიარებთ სარეგისტრაციო ფორმას:

https://forms.gle/Acykwdap12rhKSGUA

  კონფერენციაზე დასწრების მსურველებს შეუძლიათ წარადგინონ პოსტერ მოხსენება*, ან დარეგისტრირდნენ მონაწილედ.

* პოსტერ მოხსენების წარდგენის მსურველებმა თავიანთი მოხსენების მოკლე აბსტრაქტი (მაქსიმუმ 300 სიტყვა) უნდა გამოაგზავნონ ელ. ფოსტის საშუალებით შემდეგ მისამართზე:  salis@iliauni.edu.ge. გამოგზავნის ბოლო თარიღი – 8 აგვისტო.

აბსტრაქტი უნდა ასახავდეს მომხსენებლის საუკეთესო პრაქტიკას განათლების მდგრადი განვითარების დანერგვის შესახებ.

დასტურს პოსტერის აბსტრაქტის მიღების შესახებ და ტექნიკურ მოთხოვნებს პოსტერის მომზადებასთან დაკავშირებით, პედაგოგები მიიღებენ 15 აგვისტომდე.

პოსტერის წარდგენა შესაძლებელი იქნება მხოლოდ დადებითი პასუხის შემთხვევაში.

  კონფერენციის სარეგისტრაციო გადასახადი**:

100 ლარი – აკადემიური პერსონალისა და პედაგოგებისთვის

50 ლარი – სტუდენტებისთვის

**სარეგისტრაციო გადასახადის ჩარიცხვა უნდა მოხდეს ბათუმის სახელმწიფო უნივერსიტეტის ანგარიშზე.

რეკვიზიტები: მიმღები ბანკი  – სახელმწიფო ხაზინა;
მიმღების დასახელება – ხაზინის ერთიანი ანგარიში;
ბანკის კოდი – TRESGE 22;
მიმღების ანგარიში/სახაზინო კოდი – 7 0901 7519;
დანიშნულება: PRESS ის კონფერენცია.

სარეგისტრაციო გადასახადი არ მოიცავს მგზავრობის და განთავსების ხარჯებს ბათუმში.

  ყველა მონაწილისთვის გაიცემა საერთაშორისო კონფერენციაში მონაწილის სერთიფიკატი.

  გთხოვთ, მოგვმართოთ ნებისმიერი შეკითხვის შემთხვევაში:

ბათუმის შოთა რუსთაველის სახელმწიფო უნივერსიტეტი

Email: shorenagabaidze@bsu.edu.ge

Tel:514644242

ილიას სახელმწიფო უნივერსიტეტი

საბუნებისმეტყველო განათლების კვლევითი ცენტრი SALiS

Email: salis@iliauni.edu.ge

კონფერენციის საორგანიზაციო კომიტეტი

ALX_6451

მეოთხე ეროვნული ფესტივალი „მეცნიერება მთავარ როლში“

,

🌐 28 ივნისს ილიას სახელმწიფო უნივერსიტეტში გაიმართა მეოთხე ეროვნული ფესტივალი „მეცნიერება მთავარ როლში“ (Science on Stage).
👥 ფესტივალი ყოველწლიურად აერთიანებს საქართველოს პედაგოგებს, მომავალ მასწავლებლებსა და მეცნიერებით დაინტერესებულ პროფესიონალებს.
📍 ფესტივალზე წარმოდგენილი იყო 18 პროექტი საქართველოს სხვადასხვა რეგიონიდან. წლევანდელი ფესტივალი განსაკუთრებული იყო იმითაც, რომ პირველად მონაწილეობდნენ სტუდენტები, მომავალი მასწავლებლები.
📚 ჟიურის გადაწყვეტილებით შერჩეულ ოთხ საუკეთესო პროექტს ავტორები წარადგენენ 2026 წლის მაისში კლაიპედას (ლიეტუვა) საერთაშორისო ფესტივალზე „Science on Stage“.
გამარჯვებული პროექტები:
  • თამარ ტურაშვილი – ბაქტერიები ჩვენ ირგვლივ: ხელოვნური ინტელექტიდან ინკუბატორამდე
  • მარიკა ცინცაძე – მზის პანელის ეფექტურობის გაუმჯობესება
  • ელისო აბრამიშვილი, ინგა მოსიაშვილი – წყლის მინერალიზაცია და კარსტულ პროცესებზე დაკვირვება: ინტეგრირებული ბიოქიმიური და ტექნოლოგიური კვლევა
  • დეა მელიქიშვილი, თათული ბლიაძე – როგორი ამინდი იქნება დღეს?! – ამინდის მაძიებელთა კლუბი
📚 ფესტივალი „მეცნიერება მთავარ როლში“ მნიშვნელოვან პლატფორმას ქმნის პრაქტიკაზე ორიენტირებული, ინტერდისციპლინური სწავლების პოპულარიზაციისთვის და ხელს უწყობს მასწავლებელთა პროფესიულ ზრდას, კვლევაზე დაფუძნებული სწავლების განვითარებასა და STEM პროგრამების გაძლიერებას საქართველოში.
ფესტივალის ფოტოები შეგიძლიათ ნახოთ შემდეგ ბმულზე:
356811987_643332214497411_5134097747159696276_n

მესამე ეროვნული ფესტივალი „მეცნიერება მთავარ როლში“

,

🔴 24 ივნისს ილიას სახელმწიფო უნივერსიტეტში გაიმართა მესამე ეროვნული ფესტივალი „მეცნიერება მთავარ როლში”, რომელზეც წარმოდგენილი იყო საქართველოს სხვადასხვა რეგიონის საბუნებისმეტყველო მეცნიერებების მასწავლებელთა 24 პროექტი.
🟥 ფესტივალის ჟიურიმ 4 საუკეთესო პროექტი შეარჩია და მათი ავტორი ქართველი მასწავლებლები 2024 წლის აგვისტოში ტურკუში (ფინეთი) საერთაშორისო ფესტივალში მიიღებენ მონაწილეობას.
ჟიურის რჩეული პროექტები გახდნენ:
▶ პროექტი: „პლასტმასა VS მცენარე“
🔹 სკოლა: სერვანტესის სახელობის გიმნაზია AIA GESS, თბილისი
🔹 პედაგოგი: თამარ ტურაშვილი
▶ პროექტი: „დარგე ემოცია“
🔹 სკოლა: სსიპ ქ. გორის #8 საჯარო სკოლა
🔹 პედაგოგი: ნინო ფსუტური
▶ პროექტი: “ჭიქა წყლის საიდუმლოებანი (მეშვიდეკლასელის დაკვირვება ფერწერულ ტილოზე)”
🔹 სკოლა: ქართული სასწავლებელი, თბილისი
🔹 პედაგოგი: ინესა ბეჟანოვა
▶ პროექტი: „ნიადაგის მჟავიანობის შესწავლა“ „
🔹 სკოლა: გორის მუნიციპალიტეტის სოფელ ტინისხიდის საჯარო სკოლა
🔹 პედაგოგები: მაკა მაკარიძე, ჟანა ყუთულაშვილი, ნანა დემეტრაშვილი
⏹ წლევანდელი ფესტივალის მხარდამჭერები იყვნენ საქართველოს ფიზიკის მასწავლებელთა ასოციაცია, გამომცემლობა „ინტელექტი”, სულაკაურის გამომცემლობა, WWF, UniLab • უნილაბი.
ქსელის შესახებ
⏺ Science on Stage, ევროპის საბუნებისმეტყველო მეცნიერებების მასწავლებელთა ქსელი, მიზნად ისახავს, გააუმჯობესოს STEM განათლება ევროპაში მასწავლებლების პროფესიული განვითარების მხარდაჭერითა და წახალისებით, ასევე ხელი შეუწყოს მოსწავლეთა ხარისხიან განათლებას საბუნებისმეტყველო მეცნიერებებში.
⏺ ქსელში გაერთიანებულია ევროპის 34 ქვეყანა. საქართველო ამ ქსელის წევრია 2016 წლიდან. ილიას სახელმწიფო უნივერსიტეტი და მისი საბუნებისმეტყველო განათლების კვლევითი ცენტრი SALiS Science on Stage-ის ოფიციალური წარმომადგენელია საქართველოში.
⏺ ორ წელიწადში ერთხელ ქსელის წევრ ქვეყნებში ეწყობა ეროვნული ფესტივალი დევიზით „მასწავლებლები მასწავლებლებისთვის“. ჟიურის მიერ შერჩეული ეროვნული პროექტები კი ქვეყანას საერთაშორისო ფესტივალზე წარადგენენ.
ფესტივალის ფოტოები შეგიძლიათ ნახოთ შემდეგ ბმულზე:
ibm-quantum-system-one_ces-2020_credit_ibm

საერთაშორისო პროექტი საბაზო და საშუალო საფეხურის მასწავლებლებისთვის – “კვანტური კომპიუტინგი (გამოთვლები) STEM განათლებაში”

,

Science on Stage ევროპა – საბუნებისმეტყველო საგნების მასწავლებელთა ქსელი აცხადებს საერთაშორისო პროექტს თემაზე –“კვანტური კომპიუტინგი (გამოთვლები) STEM განათლებაში”. პროექტში მონაწილეობას მიიღებს საბაზო და საშუალო  საფეხურის 20 მასწავლებელი ევროპის სხვადასხვა ქვეყნიდან.
 
პროექტის მიზნები: 
  • მეტი მოსწავლე დაინტერესდეს კვანტური კომპიუტინგით და მოხდეს ამ სფეროსთან დაკავშირებული სასწავლო რესურსების განვითარება და პრაქტიკაში დანერგვა.
  • ისეთი რესურსების შექმნა, რომელთა  გამოყენება შესაძლებელი იქნება, თუნდაც მცირე გამოცდილების მქონე მასწავლებლებისთვის (ფიზიკის, მათემატიკისა და კომპიუტერული მეცნიერებების მიმართულებით).
  •  მოსწავლეებმა დაინახონ და გაიაზრონ ამ დარგის მნიშვნელობა და შეისწავლონ ფუნდამენტური კვანტური მექანიკის ცნებები.
  • ანალიტიკური და კრიტიკული აზროვნების, გუნდური მუშაობისა და პრობლემის გადაჭრის უნარების განვითარება მოსწავლეებში.

განაცხადის წარდგენის პროცესი:

პროექტში მონაწილეობის მისაღებად გთხოვთ, ჩამოტვირთოთ და შეავსოთ თანდართული ფორმა, რომელიც განთავსებულია ბმულზე:
https://www.science-on-stage.eu/project/quantum-computing
პროექტში შეირჩევა საბაზო და საშუალო საფეხურის 20 მასწავლებელი ევროპის სხავადსხვა ქვეყნიდან, რომლებიც იმუშავებენ საერთაშორისო გუნდში 2 წლის განმავლობაში. შერჩევის შემთხვევაში, მასწავლებლები მონაწილეობას მიიღებენ 2 შეხვედრაში – პირველი შეხვედრა იგეგმება 2024 წლის დასაწყისში (26-29 იანვარი ან 16-18 თებერვალი), მეორე კი 2025 წლის გაზაფხულზე.   ორივე შეხვედრაში მონაწილეობა სავალდებულოა. 
ცხოვრების და კვების ხარჯები მთლიანად დაფინანსდება ორგანიზატორების მიერ.ინგლისური ენის ცოდნა სავალდებულოა იმ დონეზე, რომ პედაგოგებმა მუშაობა შეძლონ საერთაშორისო ჯგუფში.
.
 შევსებული განაცხადი უნდა გადააგზავნოთ შემდეგ ელ.ფოსტის მისამართზე: d.neumann@science-on-stage.de
 განცხადების გაგზავნის ბოლო ვადაა 2023 წლის 11 ოქტომბერი.
ISU_7734

ვორქშოპი საბუნებისმეტყველო საგნების მასწავლებლებისთვის

,

შაბათს, 18 მარტს,  ილიაუნის საბუნებისმეტყველო განათლების კვლევითი ცენტრის SALiS ის ლაბორატორიაში Science on Stage -ის ქსელის ფარგლებში საბუნებისმეტყველო საგნების პედაგოგებისთვის ჩატარდა ვორქშოპი.
 
ვორქშოპს უძღვებოდნენ Science on Stage -ის 2022 წლის პრაღის საერთაშორისო ფესტივალის მონაწილე პედაგოგები: ნინო აბესაძე (გიმნაზია აია-ჯესსის და  ქართულ-ბრიტანული სკოლა ბიჯიესის ფიზიკის და ბუნებისმეტყველების მასწავლებელი, თბილისი), ქეთევან ედიბერიძე (სკოლა “ანაბასისის” ქიმიის მასწავლებელი, ზესტაფონი), ინესა ბეჟანოვა  (“ქართული სასწავლებლის” ფიზიკის და ბუნებისმეტყველების მასწავლებელი, თბილისი) და მარინე ბაგალიშვილი (თბილისის 145-ე საჯარო სკოლის ბიოლოგიის და ბუნებისმეტყველების მასწავლებელი). მათ გაუზიარეს თავიანთი გამოცდილება პრაღის საერთაშორისო ფესტივალის შესახებ პედაგოგებს და ილიას სახელმწიფო უნივერსიტეტის მასწავლებლის მომზადების პროგრამის სტუდენტებს, და საინტერესო აქტივობები ჩაატარეს.
314472534_544319274171312_323839665036181961_n

მეორე საინფორმაციო შეხვედრა ეროვნულ ფესტივალთან დაკავშირებით

,

 

2023 წლის 20 მარტს ეროვნულ ფესტივალში მონაწილეობით დაინტერესებული პედაგოგებისთვის გაიმართა მეორე   საინფორმაციო შეხვედრა.

გიზიარებთ შეხვედრის ჩანაწერს და პრეზენტაციას:

მეორე საინფორმაციო შეხვედრა ეროვნულ ფესტივალთან დაკავშირებით

Science on Stage_20.03.23

 

314472534_544319274171312_323839665036181961_n

მესამე ეროვნული ფესტივალი

,

 

ილიას სახელმწიფო უნივერსიტეტის  საბუნებიმეტყველო განათლების კვლევითი ცენტრი SALiS და „მეცნიერება მთავარ როლში (Science on Stage) საქართველო“ საბუნებისმეტყველო საგნების დაწყებითი, საბაზო და საშუალო საფეხურის მასწავლებლებს  იწვევს მესამე ეროვნულ ფესტივალში მონაწილეობის მისაღებად. ფესტივალის დევიზია – მასწავლებლები მასწავლებლებისთვის.

მესამე ეროვნული ფესტივალი ჩატარდება 2023 წლის 24 ივნისს.

საბუნებისმეტყველო საგნების პედაგოგებს ფესტივალზე საშუალება ექნებათ წარადგინონ ის კვლევითი პროექტები და ინოვაციური იდეები, რომლებსაც მოსწავლეებთან ერთად ახორციელებენ.

 

ფესტივალზე წარმოდეგნილი იქნება შემდეგი მიმართულებები:

  • საბუნებისმეტყველო მეცნიერებები პატარებისთვის

(პროქტები ბაღის, სკოლამდელი  განათლებისა და დაწყებითი საფეხურის მოსწავლეებისთვის)

  • საბუნებისმეტყველო განათლება მდგრადი განვითარებისთვის

(პროექტში უნდა წარმოჩინდეს, როგორ უწყობს ხელს STEM განათლება მდგრადი განვითარების  მიზნების მიღწევას)

  • ტექნოლოგიები საბუნებისმეტყველო განათლებაში

(პროექტები, რომელიც გულისხმობს კოდირებას, ინფორმაციული და საკომუნიკაციო ტექნოლოგიების გამოყენებას, ქსელების უსაფრთხოებას, ვირტუალურ რეალობას (VR)  და ხელოვნურ ინტელექტს (AI))

  • მრავალფეროვანი სასწავლო მიდგომები საბუნებისმეტყველო განათლებაში

 (პროექტი უნდა წარმოაჩენდეს ბუნებისმეტყველების   ორიგინალური სწავლების მეთოდებს  – ინკლუზიური განათლება, განსაკუთრებით ნიჭიერი მოსწავლეები, უფროსი და უმცროსი მოსწავლეების თანამშრომლობა, მრავალეროვანი, ან მრავალენოვანი კლასები და სხვა)

  • შემოქმედებითი მიდგომა საბუნებისმეტყველო განათლებაში – STEAM

(საბუნებისმეტყველო მეცნიერებების სწავლება სხვადასხვა საგნებთან ინტეგრაციის გზით – ხელოვნება, სპორტი, მუსიკა, ტექნოლოგიები და სხვა)

  • იაფი ტექნოლოგიები STEM განათლებაში

(იაფი ტექნოლოგიების გამოყენება – დაბალბიუჯეტიანი პროქტები)

  • STEM მომავალი მასწავლებლებისთვის

(პროექტები, რომლებიც შემუშავდა მასწავლებელთა მომზადების პროგრამების განხორციელებისას).

ფესტივალზე ნამუშევრები წარმოდგენილი უნდა იყოს მოდელის და პოსტერის სახით.

 

შეფასების კრიტერიუმები:

  • პროექტის იდეა ორიგინალურია
  • პროექტი ხელს უწყობს კვლევაზე დაფუძნებული სწავლების დანერგვას
  • პროექტი ხელს უწყობს მოსწავლეთა საბუნებისმეტყველო მეცნიერებებისადმი ინტერესის ზრდას
  • პროექტი ხელს უწყობს განათლებას მდგრადი განვითარებისთვის
  • პროექტი დაკავშირებულია მოსწავლეთა ყოველდღიურ ცხოვრებასთან
  • პროექტის განხორციელება რეალისტურია სასკოლო გარემოში და მოითხოვს გონივრულ დანახარჯებს

Science on Stage საქართველოს ჟიურის წევრების მიერ შერჩეული პროექტები მოწვეული იქნებიან მესამე ეროვნულ ფესტივალში მონაწილეობისთვის.

 

ეროვნული ფესტივალის ფარგლებში შეირჩევა ოთხი საუკეთესო პროექტი, რომელიც თავის მხრივ, მონაწილეობას მიიღებს Science on Stage საერთაშორისო ფესტივალზე 2024 წლის 12-15 აგვისტოს, ფინეთის ქალაქ ტურკუში.

Science on Stage საერთაშორისო ფესტივალის შესახებ დეტალური ინფორმაცია იხილეთ: https://www.science-on-stage.eu/science-stage-festival-2024

 

გთხოვთ, გაითვალისწინოთ, რომ ეროვნულ ფესტივალზე პროექტს შესაძლებელია ჰყავდეს რამდენიმე ავტორი, მაგრამ, საერთაშორისო საორგანიზაციო კომიტეტის მოთხოვნების შესაბამისად, მათგან მხოლოდ ერთი წარადგენს პროექტს საერთაშორისო ფესტივალზე.

ეროვნულ ფესტივალში მონაწილეობის მსურველებმა უნდა გაიარონ რეგისტრაცია, სარეგისტრაციო ფორმაში წარმოადგინონ  პროექტის მოკლე აღწერა (სიტყვების მაქსიმალური რაოდენობა – 250) და შესაბამისი ვიდეო (მაქსიმალური ხანგრძლივობა – 2წთ.)  გთხოვთ, თქვენი პროექტები გაგვიზიაროთ ა.წ. 28 მაისამდე Google Forms  საშუალებით.

 

https://forms.gle/EYmev9AfzARGYLxX8

 

ეროვნულ ფესტივალში მონაწილეობით დაინტერესებული პედაგოგებისთვის ჩატარდება საინფორმაციო შეხვედრა Zoom-ის პლატფორმის საშუალებით ა.წ. 20 მარტს, 19.00 საათზე.

 

https://iliauni-edu-ge.zoom.us/j/86753619741

Meeting ID: 867 5361 9741

 

ფესტივალის შესახებ შეკითხვის შემთხვევაში მოგვმართეთ ელ. ფოსტის საშუალებით:

salis@iliauni.edu.ge

 

 

bc04ae8a9b02f70a4e3cf655a68b974f_62138

იმოქმედე დღესვე! დაიწყე სასწავლო წელი მდგრადი განვითარებით

,

საბუნებისმეტყველო მეცნიერებების მასწავლებელთა ევროპული პლატფორმა Science on Stage გიწვევთ მონაწილეობის მისაღებად ინსტაგრამის გამოწვევაში: ,,იმოქმედე დღესვე! დაიწყე სასწავლო წელი მდგრადი განვითარებით“.

მდგრადი განვითარება მნიშვნელოვანი საკითხია განსაკუთრებით ახალგაზრდებისთვის. თუ ხართ სკოლის მასწავლებელი, რომელიც აქტიურად მუშაობს მოსწავლეებთან STEM მიმართულებით, საშუალება გეძლევათ, მსოფლიოს გააცნოთ თქვენი პროექტი.

ილიას სახელმწიფო უნივერსიტეტის საბუნებისმეტყველო განათლების კვლევითი ცენტრი SALiS Science on Stage-ის ოფიციალური წარმომადგენელია საქართველოში, შესაბამისად, ქართველ მასწავლებლებს შეუძლიათ, თუ სურთ, ჩაერთონ ამ წამოწყებაში.

კონკურსის მიზანია ევროპის სხვადასხვა ქვეყნის პედაგოგებმა ერთმანეთს გაუზიარონ გამოცდილება და აჩვენონ, როგორ ახერხებენ მდგრადი განვითარების 17 მიზნის (SDG) STEM-გაკვეთილებში გაერთიანებას.

როგორ მივიღოთ მონაწილეობა:

მონაწილეობის მისაღებად ინსტაგრამზე უნდა ატვირთოთ მაქსიმუმ 90-წამიანი ვიდეო, რომელშიც აჩვენებთ პროექტის შინაარსსა და კავშირს მდგრად განვითარებასთან, ასევე უნდა ახსნათ, მას კლასში როგორ ახორციელებთ.
აუცილებელია ვიდეოზე მონიშნოთ/დათაგოთ Science on Stage Europe, რომ შესაძლებელი იყოს თქვენი ვიდეოს გაზიარება Science on Stage-ის გვერდზე (@scienceonstageeurope).

ყველაზე მეტი მოწონების მქონე ვიდეო მიიღებს სიმბოლურ პრიზებს.

კონკურსი მიმდინარეობს 2021 წლის 1 ოქტომბრიდან 1 ნოემბრამდე.

დაწვრილებითი ინფორმაცია კონკურსის პირობების შესახებ შეგიძლიათ იხილოთ ბმულზე: here.

#sdginstem

 

 

________________________________________________________________________

 

 

კონკურსის წესები და პირობები:

  • ღონისძიების ორგანიზატორია: Science on Stage Europe e.V-ის ოფისი ბერლინში;
  • კონკურსში მონაწილეობა შეუძლიათ სკოლის მასწავლებლებს – Science on Stage-ის პარტნიორი ქვეყნების მოქალაქეებს;
  • კონკურსში მონაწილეობისთვის არ არის დაწესებული გადასახადი;
  • კონკურსში მონაწილეობით მასწავლებელი ეთანხმება და დაიცავს კონკურსის პირობებს;
  • კონკურსის შესახებ ოფიციალური ინფორმაცია და დამატებითი პირობები მოცემულია ბმულზე: https://bit.ly/3u2ttgt;
  • კონკურსი ჩატარდება ინსტაგრამზე;
  • ერთ ადამიანს შეუძლია მხოლოდ ერთი ჩანაწერის ატვირთვა;
  • კონკურსი სრულდება 2021 წლის 1 ნოემბერს. ამ თარიღის შემდეგ მიღებული ვიდეოები არ განიხილება;
  • მონაწილეობისთვის უნდა დაიცვათ კონკურსის წესები:
    • ატვირთეთ 90-წამიანი ვიდეო ინსტაგრამზე (IGTV). რომელშიც აჩვენებთ თქვენს პროექტს, თუ როგორ ჩართეთ კლასის მუშაობაში მდგრადი განვითარების მიზნები;
    • ვიდეოს ატვირთვისას აუცილებლად უნდა მონიშნოთ/დათაგოთ Science on Stage Europe (@scienceonstageeurope);
    • კონკურსის ვადა: 2021 წლის 1 ოქტომბერი – 1 ნოემბერი;
    • მასწავლებელი, რომლის ვიდეოც ყველაზე მეტ მოწონებას დაიმსახურებს, მიიღებს სიმბოლურ საჩუქარს;
    • მოწონება, ანუ like-ების რაოდენობა, დაითვლება 2021 წლის 1 ნოემბრის 10:00 საათის (CET) მონაცემით.
  • შინაარსი უნდა აკმაყოფილებდეს შემდეგ კრიტერიუმებს:
    • უნდა იყოს მასწავლებლის ორიგინალური ნამუშევარი და არ იყოს აღებული სრულად ან ნაწილობრივ სხვა წყაროდან;
    • უნდა ჩანდეს, რომ შინაარსი რეალურია;
    • შინაარსი არ უნდა არღვევდეს რომელიმე მესამე მხარის უფლებებს;
    • შინაარსი არ უნდა იყოს გამოსაქვეყნებლად შეუსაბამო ან უვარგისი (მაგ., შეიცავდეს სიშიშვლეს, უხამსობას ან სიძულვილის ენას);
    • გაითვალისწინეთ, რომ წერილობითი თანხმობა უნდა გქონდეთ ყველა იმ პირისა, რომელთა სახეებიც გამოჩნდება ვიდეოსა თუ ფოტომასალაში; არასრულწლოვანი პირების შემთხვევაში კი – მათი კანონიერი მეურვის წერილობითი თანხმობა;
  • ორგანიზატორი იტოვებს უფლებას, შეცვალოს ან გააუქმოს კონკურსი და მოცემული წესები კატასტროფის, ომის, სამოქალაქო თუ სამხედრო არეულობის ან რაიმე მოქმედი კანონის ან რეგულაციის ფაქტობრივი ან მოსალოდნელი დარღვევისას. ორგანიზატორი უმოკლეს ვადაში აცნობებს მონაწილეებს აღნიშნული ცვლილებების შესახებ;
  • ორგანიზატორი არ არის პასუხისმგებელი მესამე მხარის მიერ შემოთავაზებულ პრიზებსა და პრიზების შესახებ ინფორმაციის სისწორეზე;
  • პრიზები:
    • ზურგჩანთა ყოველდღიური გამოყენებისთვის, ფუნქციური, ბევრი საჭირო დეტალით. დამზადებული გარემოს არადამაბინძურებელი მასალისგან;
    • პრიზი განსაზღვრულია და თანხა ან სხვა ალტერნატივა არ იქნება შემოთავაზებული. პრიზები ხელმისაწვდომია და ორგანიზატორი იტოვებს უფლებას, ისინი შეთანხმების გარეშე შეცვალოს სხვა მსგავსი პრიზებით;
  • გამარჯვებულები შეირჩევიან სოციალური მედიაპლატფორმის გამოყენებით (ინსტაგრამის მოწონებები), ხოლო Science on Stage დაითვლის ხმებს და გამოაცხადებს შედეგებს;
  • გამარჯვებულს შეტყობინება გაეგზავნება მეილზე ან ინსტაგრამზე კონკურსის დასრულებიდან 28 დღის განმავლობაში. თუ შეტყობინების მიღებიდან 14 დღის განმავლობაში გამარჯვებული პრიზს არ აიღებს, ორგანიზატორი იტოვებს უფლებას, ის გადასცეს შემდეგ გამარჯვებულს;
  • ორგანიზატორი შეატყობინებს გამარჯვებულს, როდის და სად მიიტანენ მის კუთვნილ პრიზს;
  • ორგანიზატორის გადაწყვეტილება კონკურსთან დაკავშირებულ ყველა საკითხზე იქნება საბოლოო და არ დაექვემდებარება არანაირ კორესპონდენციას;
  • გამარჯვებული ეთანხმება, რომ ორგანიზატორმა გამოიყენოს:
    • მისი სახელი;
    • ქვეყნის დასახელება;
    • ინსტაგრამი;
    • ფოტოსურათი;
    • ვიდეო, რომელიც მონაწილემ კონკურსისთვის ატვირთა.

გამარჯვებულის თუ სხვა მონაწილის ნებისმიერ საჯარო მასალას (საწყისი გვერდი, საინფორმაციო ბიულეტენი, Instagram, Twitter, Facebook, YouTube, LinkedIn) და ნებისმიერ სხვა პერსონალურ მონაცემს (როგორიცაა პირადი მისამართი), ორგანიზატორი გამოიყენებს მხოლოდ მონაცემთა დაცვის ზოგადი დებულების (GDPR) შესაბამისად. ინფორმაცია არ იქნება გამჟღავნებული მესამე პირისთვის მონაწილის წინასწარი თანხმობის გარეშე. გამარჯვებული თავის ინფორმაციას მიაწვდის Science on Stage-ს და არა რომელიმე სხვა მხარეს. მოწოდებული ინფორმაცია გამოყენებული იქნება კონფიდენციალურობის პოლიტიკის შესაბამისად (ინფორმაცია შეგიძლიათ იხილოთ აქ here);

  • კონკურსში მონაწილეობა ავტომატურად ჩაითვლება მოცემულ წესებსა და პირობებზე თანხმობად;
  • ეს კონკურსი არ არის დაფინანსებული, ადმინისტრირებული, ან ასოცირებული Instagram-თან, Facebook-თან, Twitter-თან ან სხვა სოციალურ ქსელთან;
  • ინსტაგრამი არ არის პასუხისმგებელი ამ კონკურსზე. კონკურსთან დაკავშირებული ნებისმიერი მოთხოვნა არ უნდა იყოს მიმართული მისკენ;
  • Science on Stage-ს აქვს უფლება, ნებისმიერ დროს შეხედულებისამებრ შეცვალოს მოცემული პირობები. ცვლილება ამოქმედდება ამ ვებგვერდზე გამოქვეყნებისთანავე.
2021 წელი

Load More