About abe

Posts by :

II - მეორე ვებინარების ბანერი

ვებინარების სერია „ მოსწავლეთა მიერ შექმნილი სიმულაციები საბუნებისმეტყველო მეცნიერებების გაკვეთილებისთვის “ – მეორე ვებინარი


27 ნოემბერს, 19:00 საათზე,  ილიას სახელმწიფო უნივერსიტეტის საბუნებისმეტყველო განათლების კვლევითი ცენტრის SALiS –ის ლაბორატორიამ  რუხისა და ახმეტის ინოვაციების ცენტრებთან თანამშრომლობით წარმოადგინა ვებინარების სერია „მოსწავლეთა მიერ შექმნილი სიმულაციები საბუნებისმეტყველო მეცნიერებების გაკვეთილებისთვის“  მეორე ვებინარი.
 
ვებინარი გაიმართა დისტანციურად პლატფორმა ზუმის მეშვეობით.
 
ვებინარის ფარგლებში სკოლის მოსწავლეებმა საბუნებისმეტყველო მეცნიერებების გაკვეთილებისთვის შექმნეს 3 სიმუალაცია (იხილეთ ვიდეოჩანაწერი).
 ___________________________________________________________________________________________________________

რუხის ინოვაციების ცენტრის მოსწავლეების პროექტები 
 
სახელწოდება: „ინკუბატორი“, „მკვეხარა ქოთანი“
ავტორები: მარიამ ჯონჯუა, არჩილ ესელიძე, ლაშა ღურწკაია
 
  ___________________________________________________________________________________________________________

ახმეტის ინოვაციების ცენტრის მოსწავლეების პროექტები
 
სახელწოდება: „ღარიბი და ქილა ერბო“
ავტორები: მარიამ სვიმონიშვილი, ნინო სვიმონიშვილი, ირაკლი ბეკურაული

 

ვებინარის ფარგლებში გმოყენებული  მასალების გადმოწერა.

I - პირველი ვებინარების ფოტო

ვებინარების სერია „ მოსწავლეთა მიერ შექმნილი სიმულაციები საბუნებისმეტყველო მეცნიერებების გაკვეთილებისთვის “ – პირველი ვებინარი


20 ნოემბერს, 19:00 საათზე,  ილიას სახელმწიფო უნივერსიტეტის საბუნებისმეტყველო განათლების კვლევითი ცენტრის SALiS –ის ლაბორატორიამ  რუხისა და ახმეტის ინოვაციების ცენტრებთან თანამშრომლობით წარმოგიდგინა ვებინარების სერია „მოსწავლეთა მიერ შექმნილი სიმულაციები საბუნებისმეტყველო მეცნიერებების გაკვეთილებისთვის“ პირველი  ვებინარი.

ვებინარის ფარგლებში სკოლის მოსწავლეებმა  საბუნებისმეტყველო მეცნიერებების გაკვეთილებისთვის შექმნეს 5 სიმუალაცია (იხილეთ ვიდეოჩანაწერი),

ვებინარი გაიმართა დისტანციურად პლატფორმა ზუმის მეშვეობით.

________________________________________

რუხის ინოვაციების ცენტრის მოსწავლეების პროექტები

სახელწოდება: „ჭკვიანი რუკა“ ; „თავისუფალი ვარდნა“

ავტორები: ნინიკო შარია, თამარ ჯოჯუა, დავით ხასია, ცოტნე შონია, გიორგი ჩიკინი

_________________________________________

ახმეტის ინოვაციების ცენტრის მოსწავლეების პროექტები

სახელწოდება: „კარუსელი“; „რეფლექსური რკალი“; რეფლექსური რკალის კომპონენტები“

ავტორები: ირმა ჭილაშვილი, ცოტნე ნონიაშვილი, ლუკა ლუხუმაძე, ზაქარია ჭუაძე, მარიამ ივანაშვილი

 

ვებინარის ფარგლებში გმოყენებული მასალების გადმოწერა.

telavi4 (2)

საბუნებისმეტყველო საგნების მასწავლებელთა პირველი რაიონული კონფერენცია თემაზე – „გამოცდილების გაზიარება“

,

თელავის N7 საჯარო სკოლაში 2017 წლის 15 თებერვალს გაიმართა საბუნებისმეტყველო საგნების მასწავლებელთა პირველი რაიონული კონფერენცია თემაზე – „გამოცდილების გაზიარება“. კონფერენციის პარტნიორია ქალაქ თელავის მერია, ჩატარდა მასწავლებელთა ევროპული ქსელის „Science on Stage საქართველო“ ფარგლებში. კონფერენციის მიზანი იყო საბუნებისმეტყველო საგნების მასწავლებელთა მიერ განხორციელებული კვლევების/პროექტების და ბუნებისმეტყველების სწავლებასთან დაკავშირებული მეთოდური საკითხების განხილვა.

კონფერენცია გახსნა სსიპ-ქალაქ თელავის N7 საჯარო სკოლის დირექტორმა მაია სილაგაძემ სკოლის ახალ ბიოლოგიის კაბინეტში. კონფერენციას ესწრებოდნენ: ქალაქ თელავის მერი პლატონ კალმახელიძე; ილიას სახელმწიფო უნივერსიტეტის მეცნიერებისა და ხელოვნების ფაკულტეტის პროფესორი, საბუნებისმეტყველო განათლების კვლევითი ცენტრის ხელმძღვანელი,  მარიკა კაპანაძე; განათლებისა და მეცნიერების სამინისტროს ეროვნული სასწავლო გეგმების დეპარტამენტის საბუნებისმეტყველო საგნების ჯგუფის ბიოლოგიის ექსპერტი, მანანა ვარაზაშვილი; განათლებისა და მეცნიერების სამინისტროს ეროვნული სასწავლო გეგმების დეპარტამენტის საბუნებისმეტყველო საგნების ჯგუფის ფიზიკის ექსპერტი, გია ლასხიშვილი; მასწავლებელთა სახლის ტრენერი, კერძო სკოლა “შავნაბადას” ბიოლოგიის მასწავლებლი, Miсrosoft-ის ექსპერტი ლაურა ჯიმშელეიშვილი, რომელმაც მონაწილე პედაგოგებთან ელექტრონული რესურსების შექმნასთან დაკავშირებით ჩაატარა ვორქშოფი; ისრაელის ვაიცმანის სამეცნიერო ინსტიტუტის მეცნიერ თანამშრომელი, დოქტორი რახელ მამლოკ-ნაამანი skype-ის საშუალებით მიესალმა კონფერენციის მონაწილეებს. კონფერენციას ასევე ესწრებოდნენ თელავის საგანმანათლებლო რესურსცენტრის უფროსი ლევან მრელაშვილი და თელავის რაიონის სკოლების დირექტორები. ასევე თელავის სახელმწიფო უნივერსიტეტის პროფესორ-მასწავლებლები.
კონფერენციაში მონაწილეობას იღებდნენ თელავის N1, N4, N5, N7, წინანდლის, ნაფარეულის და ახმეტის N2 საჯარო სკოლის პედაგოგები, რომლებმაც წარმოადგინეს მოხსენებები და დამსწრე საზოგადაოებას გაუზიარეს საკუთარი გამოცდილება.

იხილეთ პროგრამა

Logo Artist approved light small

ახალი ევროპული პროექტი ARTIST

2016 წლის ოქტომბრიდან ილიას სახელმწიფო უნივერსიტეტის საბუნებისმეტყველო განათლების კვლევითი ცენტრის SALiS-ის თანამშრომლებმა დაიწყეს ახალი, ERASMUS+  პროექტის ARTIST-ის დანერგვა საქართველოში.

2017 წლის 19-20 იანვარს შედგა კონსორციუმის წევრების პირველი სამუშაო შეხვედრა ბრემენის უნივერსიტეტში (გერმანია).

პროექტი ARTIST – პრაქტიკის კვლევა ბუნებისმეტყველების ინოვაციური სწავლების გზით დაფინანსებულია ევროკავშირის მიერ უმაღლესი განათლების განვითარების პროგრამის ERASMUS+ ფარგლებში. კონსორციუმში გაერთიანებულია 10 პარტნიორი უნივერსიტეტი 7 ქვეყნიდან (გერმანია, საქართველო, ავსტრია, ირლანდია, თურქეთი, ისრაელი, ფილიპინები). პროექტის კოორდინატორია ბრემენის უნივერსიტეტი, გერმანია.

ARTIST-ის მიზანია ბუნებისმეტყველების სწავლების განვითარება და ხელშეწყობა მონაწილე ქვეყნებში პედაგოგთა საქმიანობის პრაქტიკული კვლევის საფუძველზე. პრაქტიკული კვლევა მიზნად ისახავს მასწავლებლის საქმიანობის ციკლურ გაუმჯობესებას კვლევის, რეფლექსიის და ინოვაციური მიდგომების შემდგომი განვითარების გზით. კონკრეტული ცვლილების და  სიახლის ინტერესი, როგორც პრაქტიკული კვლევის მიზანი, ქმნის  ახალი ცოდნის და საუკეთესო პრაქტიკის სტრატეგიების აღმოჩენის შესაძლებლობას, რომელიც ემსახურება არა მარტო ინოვაციების დანერგვას, არამედ ხელს უწყობს მოქმედი პრაქტიკოსი მასწავლებლის უწყვეტ პროფესიულ გავნითარებას. სიახლეები/ინოვაციები/ახალი მიდგომები გამოკვლეული, განხორციელებული და ასახული იქნება პრაქტიკოსი მასწავლებლების მიერ საბუნებისმეტყველო განათლების მკვლევარებთან ერთად. ARTIST ქმნის საუნივერსიტეტო, სასკოლო და სამეწარმეო ქსელის განვითარების უნიკალურ შესაძლებლობას. პროექტის ფარგლებში კონსორციუმის წევრები შექმნიან რეგიონალურ ქსელს, რომელიც მოიცავს უნივერსიტეტს, სკოლას და საწარმოს. თითოეული მონაწილე ქვეყნიდან პროექტში 3-5 სკოლა ჩაერთვება საბუნებისმეტყველო საგნების პედაგოგებთან ერთად. პროექტის ხანგრძლივობა სამი წელია, ARTIST 2019 წლის სექტემბრის ბოლოს დასრულდება.

4

2016 წლის 16 აპრილს საბუნებისმეტყველო განათლების კვლევითი ცენტრი SALiS საბუნებისმეტყველო საგნების პედაგოგებს იწვევს კონფერენციაზე

,

კვლევაზე დაფუძნებული სწავლება – პრაქტიკული გამოცდილება საქართველოს ზოგადსაგანმანათლებლო სკოლებში.
კონფერენციაში მონაწილეობის მიღება შეუძლიათ როგორც დაწყებითი, ასევე საბაზო და საშუალო საფეხურის პედაგოგებს როგორც მსმენელის, ასევე მომხსენებლის სტატუსით.
პედაგოგებს, ვისაც სურთ გააკეთონ მოხსენება კონფერენციაზე, აუცილებელია ა.წ. 4 აპრილამდე გამოაგზავნონ მოხსენების სათაური და მოკლე რეზიუმე (200 სიტყვა) ელექტრონული ფოსტით შემდეგ მისამართზე: salis@iliauni.edu.ge
რეზიუმეს განიხილვის შედეგებს ავტორებს 12 აპრილამდე ვაცნობებთ.

კონფერენციაზე მონაწილე ყველა პედაგოგის რეგისტრაცია სავალდებულოა (მიუხედავად იმისა, არის თუ არა ის ქსელის წევრი). რეგისტრაცია დასრულდება ა.წ. 12 აპრილს.
გთხოვთ, გადმოწეროთ კონფერენციის სარეგისტრაციო ფორმა, შეავსოთ და გამოგვიგზავნოთ ელექტრონული ფოსტით მისამართზე: salis@iliauni.edu.ge

3

გერმანელი პროფესორის, ინგო აილკსის, ვიზიტი ილიაუნიში

,

2016 წლის 1-7 ოქტომბერს, ილიას სახელმწიფო უნივერსიტეტის საბუნებისმეტყველო განათლების კვლევით ცენტრს, „SALiS“, ERASMUS+ ის გაცვლითი პროგრამის ფარგლებში, ეწვევა ბრემენის (გერმანია) უნივერსიტეტის პროფესორი, ბუნებისმეტყველებისა და ქიმიის მასწავლებლებისთვის 500-ზე მეტი სამეცნიერო პუბლიკაციისა და მრავალი სახელმძღვანელოს ავტორი, ინგო აილკსი. ის გერმანიის რამდენიმე უნივერსიტეტში მოღვაწეობდა, 2004 წლიდან კი ბრემენის უნივერსიტეტის პროფესორია და ბუნებისმეტყველების დიდაქტიკის ინსტიტუტში ქიმიის მიმართულებას ხელმძღვანელობს. პროფესორი აილკსს რეგულარულად იწვევენ საბუნებისმეტყველო განათლების კონფერენციებზე მოხსენების წასაკითხად. იგი მრავალი სამეცნიერო ჯილდოს ავტორია და აქტიურადაა ჩართული საერთაშორისო პროექტებში. კერძოდ: იყო TEMPUS-ის პროექტ SALiS-ის მონაწილე, რომელიც ილიას სახელმწიფო უნივერსიტეტის კოორდინატორობით განხორციელდა 2010-2012 წლებში, ამჟამად კი ხელმძღვანელობს ERASMUS-ის პროექტ ARTIST-ის კონცორციუმს, რომლის წევრიც ილიას სახელმწიფო უნივერსიტეტია.

პროფესორი აილკსი იმუშავებს ილიაუნის განათლების სკოლის პროფესორებთან, წაიკითხავს საჯარო ლექციას განათლების სპეციალისტებისა და საბუნებისმეტყველო საგნების პედაგოგებისათვის, იმუშავებს უნივერსიტეტის მაგისტრანტებთან და დოქტორანტებთან.

პროფესორ აილკსის ვიზიტის პროგრამა:

შეხვედრა განათლების სკოლასთან

თემა: მასწავლებელთა განათლება გერმანიაში და პრაქტიკული კვლევის დანერგვა

დრო: 3 ოქტომბერი, ორშაბათი, 11.00 საათი

ადგილმდებარეობა: F303 აუდიტორია (ჩოლოყაშვილის გამზ. #3/5), ილიას სახელმწიფო უნივერსიტეტი

საჯარო ლექცია

თემა: ბუნებისმეტყველების სწავლება ლანს არმსტრონგიდან დენის როდმანამდე – სწავლების თანამედროვე მიდგომები

დრო: 4 ოქტომბერი, სამშაბათი, 17.00 საათი

ადგილმდებარეობა: G106 აუდიტორია (გ. წერეთლის ქ. #1), ილიას სახელმწიფო უნივერსიტეტი

2016 წლის 16 აპრილი
საბუნებისმეტყველო განათლების კვლევითი ცენტრი SALiS

კონფერენცია თემაზე:
კვლევაზე დაფუძნებული სწავლება – პრაქტიკული გამოცდილება საქართველოს ზოგადსაგანმანათლებლო სკოლებში
თბილისი, გ. წერეთლის 1.
G 106 (ყოფილი ენციკლოპედიის შენობა, ვაკის პარკის მოპირდაპირე მხარეს)

კონფერენციის პროგრამა იხ. ბმულზე: პროგრამა

1

Science on Stage საქართველოს კომიტეტის პირველი სამუშაო შეხვედრა

, ,

2016 წლის 12 დეკემბერს გაიმართა კომიტეტის სამუშაო შეხვედრა საბუნებისმეტყველო განათლების კვლევითი ცენტრში SALiS. კომიტეტის წევრებმა იმსჯელეს თუ როგორ შეიძლება წავახალისოთ საბუნებისმეტყველო საგნების მასწავლებლები, მათი საკუთარი პროექტების, სწავლების მიდგომების და ახალი იდეების კოლეგებთან გაზიარების საშუალებით. სხდომაზე ასევე განისაზღვრა Science on Stage საქართველოს სამუშაო კონცეფცია, მიზნები და სამომავლო გეგმები.

2

Science on Stage Georgia

, ,

2016 წლის ნოემბრიდან საქართველო შეუერთდა საბუნებისმეტყველო მეცნიერებების მასწავლებელთა ევროპულ პლატფორმას Science on Stage. Science on Stage საქართველოს ოფიციალური წარმომადგენელი საქართველოში არის ილიას სახელმწიფო უნივერსიტეტის საბუნებისმეტყველო განათლების კვლევითი ცენტრი SALiS, რომელიც იქნება ყველა ღონისძიების ორგანიზატორი Science on Stage-ის ფარგლებში (იხ. ვებ. გვერდი http://www.science-on-stage.eu/page/display/2/2/2106/ge/georgia).

Science on Stage საქართველოს მიზანია წაახალისოს და ხელი შეუწყოს ქართველი მასწავლებლების ურთიერთთანამშრომლობას, იდეების გაზიარებას და მათი საკუთარი პროექტების წარდგენას ფართო აუდიტორიისთვის, საბუნებისმეტყველო მეცნიერებების სწავლების ახალი მიდგომების განხილვას საკუთარი პრაქტიკის მაგალითზე. Science on Stage Georgia დაეხმარება ქართველ მასწავლებლებს პროფესიულ განვითარებაში ეროვნული და საერთაშორისო თანამშრომლობის საშუალებით.

Science on Stage საქართველო რეგულარულად ორგანიზებას გაუწევს ეროვნულ კონფერენციას ბუნებისმეტყველების მასწავლებლებისთვის. საუკეთესო პროექტები წარდგენილი იქნება საერთაშორისო ფესტივალზე European Science on Stage (იხ. ვებ. გვერდი http://www.science-on-stage.eu/page/display/3/9/0/activities-festivals).

საბუნებისმეტყველო განათლების კვლევითი ცენტრი SALiS 2015

საიტი დამზადებულია ილიას სახლემწიფო უნივერსიტეტის საინფორმაციო ტექნოლოგიების სამსახურის მიერ