8 დეკემბერს, 11:00 საათზე, ილიას სახელმწიფო უნივერსიტეტის B201 აუდიტორიაში ევროპული საბუნებისმეტყველო მასწავლებელთა ქსელის „Science on Stage“-ის ეგიდით პედაგოგებისა და განათლების სპეციალისტებისთვის გაიმართება პირველი ეროვნული ფესტივალი „მეცნიერება მთავარ როლში“. მისი ორგანიზატორია ილიას სახელმწიფო უნივერსიტეტის საბუნებისმეტყველო განათლების კვლევითი ცენტრი SALiS – „Science on Stage“-ის ოფიციალური წარმომადგენელი საქართველოში.

ფესტივალის დევიზია „მასწავლებლები მასწავლებლებისთვის“. მასზე საუკეთესო პროექტის წარმდგენი ოთხი მასწავლებელი საქართველოს სახელით მონაწილეობას მიიღებს  „Science on Stage“-ის საერთაშორისო ფესტივალში, რომელიც 2019 წელს პორტუგალიაში გაიმართება.

დრო: 8 დეკემბერი, 11.00 საათი

ადგილმდებარეობა: B201 აუდიტორია (ი. ჭავჭავაძის გამზირი N32), ილიას სახელმწიფო უნივერსიტეტი

დასწრება თავისუფალია.

2018 წლის 9 იანვარს ილიას სახელმწიფო უნივერსიტეტის SALiS ლაბორატორიაში Science on Stage საქართველოს ფარგლებში ჩატარდა ვორქშოფი ”იაფი ტექნოლოგიების გამოყენება საბუნებისმეტყველო გაკვეთილებზე”. 2017 წლის საერთაშორისო ფესტივალის მონაწილეებმა, ნინო სააკაშვილმა და თამარ დობორჯგინიძემ გამოცდილება გაუზიარეს პედაგოგებსა და სტუდენტებს.

იხილეთ ფოტოები

2017 წლის 11 ნოემბერს საბუნებისმეტყველო განათლების კვლევითი ცენტრის SALiS ლაბორატორიაში გაიმართა ვორკშოპი „იაფი ტექნოლოგიების გამოყენება საბუნებისმეტყველო გაკვეთილებზე“, რომელიც საბუნებისმეტყველო საგნების მასწავლებელთა ევროპული პლატფორმის – Science on Stage-ის (http://www.science-on-stage.eu/) ფარგლებში იყო ორგანიზებული. ვორკშოპს, რომელშიც საბუნებისმეტყველო საგნების 25 მასწავლებელი მონაწილეობდა საქართველოს სხვადასხვა რეგიონიდან, უძღვებოდნენ მასწავლებელთა ქსელის SALiS ის წევრები ნინო სააკაშვილი და თამარ დობორჯგინიძე. მათ მასწავლებლებს გაუზიარეს Science on Stage ფესტივალის (http://www.science-on-stage.eu/page/display/4/88/0/festival-2017) გამოცდილება. ეს ფესტივალი ა.წ. 29 ივნისიდან 2 ივლისამდე გაიმართა უნგრეთის ქალაქ დებრეცენში. საქართველოს გუნდი ფესტივალში პირველად მონაწილეობდა. ილიას უნივერსიტეტის საბუნებისმეტყველო განათლების კვლევითი ცენტრი Science on Stageიის ოფიციალური წარმომადგენელია საქართველოში (http://www.science-on-stage.eu/page/display/2/2/2106/GE/Georgia).

იხილეთ ფოტოები

2017 წლის 24 სექტემბრიდან 7 ოქტომბრის ჩათვლით ილიას სახელმწიფო უნივერსიტეტის საბუნებისმეტყველო განათლების კვლევით ცენტრს SALiS სტუმრად ეწვია ლიმერიკის უნივერსიტეტის (ირლანდია) პროფესორი, ბატონი პიტერ ჩაილდსი. დოქტორმა ჩაილდსმა ჩაატარა საჯარო ლექციები:  ’’საბუნებისმეტყველო საგნების სწავლების თანამედროვე მიდგომები ირლანდიის მაგალითზე’’ და ’’საბუნებისმეტყველო საგნების სწავლება საუნივერსიტეტო საფეხურზე – კვლევის შედეგები და გამოწვევები’’. ასევე, უხელმძღვანელა ვორქშოფს „კვლევაზე დაფუძნებული სწავლება – ბუნებისმეტყველების საიდუმლოებანი“ თბილისში და თელავში საბუნებისმეტყველო საგნების პედაგოგებისთვის. დოქტორ ჩაილდსის ვორქშოფს 70 პედაგოგი დაესწრო.

იხილეთ ფოტოები

ა.წ. 24 სექტემბრიდან 7 ოქტომბრის ჩათვლით ილიას სახელმწიფო უნივერსიტეტის საბუნებისმეტყველო განათლების კვლევით ცენტრს SALiS სტუმრად ეწვევა ლიმერიკის უნივერსიტეტის (ირლანდია) პროფესორი ბატონი პიტერ ჩაილდსი. პროფესორი ჩაილდსი საჯარო ლექციებს და ვორქშოფს „კვლევაზე დაფუძნებული სწავლება – ბუნებისმეტყველების საიდუმლოებანი“ ჩაატარებს საბუნებისმეტყველო საგნების პედაგოგებისთვის. ორი ვორქშოფი ჩატარდება თბილისში, ერთი კი თელავში.

ვორქშოფები განკუთვნილია V, VI, VII კლასის ბუნებისმეტყველების მასწავლებლებისთვის, რომლებიც არიან საბუნებისმეტყველო განათლების კვლევითი ცენტრის SALiS მასწავლებელთა ქსელის წევრები.

ვიზიტის განრიგი

27 სექტემბერი, 16 საათი – საჯარო ლექცია თემაზე ’’საბუნებისმეტყველო საგნების სწავლების თანამედროვე მიდგომები ირლანდიის მაგალითზე’’, ილიას სახელმწიფო უნივერსიტეტი, G106 (გ. წერეთლის 1) თბილისი. დასწრება თავისუფალია.

28 სექტემბერი, 16 საათი – ვორქშოფი „კვლევაზე დაფუძნებული სწავლება – ბუნებისმეტყველების საიდუმლოებანი“, SALiS  ლაბორატორია, G კორპუსი, ილიას სახელმწიფო უნივერსიტეტი, თბილისი (მხოლოდ SALiS მასწავლებელთა ქსელის რეგისტრირებული წევრებისთვის)

2 ოქტომბერი, 14 საათი – ვორქშოფი „კვლევაზე დაფუძნებული სწავლება – ბუნებისმეტყველების საიდუმლოებანი“, თელავის მე-7 საჯარო სკოლა (მხოლოდ SALiS მასწავლებელთა ქსელის რეგისტრირებული წევრებისთვის)

4 ოქტომბერი, 16 საათი – საჯარო ლექცია თემაზე ’’საბუნებისმეტყველო საგნების სწავლება საუნივერსიტეტო საფეხურზე – კვლევის შედეგები და გამოწვევები’’, ილიას სახელმწიფო უნივერსიტეტი, წიგნის სახლი ’’ლიგამუსი’’, ილ. ჭავჭავაძის გამზ. 32, თბილისი (დასწრება თავისუფალია)

5 ოქტომბერი, 16 საათი – ვორქშოფი „კვლევაზე დაფუძნებული სწავლება – ბუნებისმეტყველების საიდუმლოებანი“, SALiS  ლაბორატორია, G კორპუსი, ილიას სახელმწიფო უნივერსიტეტი, თბილისი (მხოლოდ SALiS მასწავლებელთა ქსელის რეგისტრირებული წევრებისთვის).

2017 წლის 20-21 ოქტომბერს დორტმუნდში გერმანიის ფეხბურთის მუზეუმი და Science on Stage Europe  უმასპინძლებს ევროპის STEM ლიგის ფინალისტებს.

STEM-ის მასწავლებლები ევროპის სხვადასხვა ქვეყნიდან ახორციელებენ პროექტს „iStage 3 – Football in Science Teaching“ მოსწავლეებთან ერთად. ფინალურ ეტაპზე შეირჩევა საუკეთესო გუნდი, რომელიც მოიპოვებს ევროპის ჩემპიონის ტიტულს.

ევროპის 8 ქვეყანას შორის საქართველოდან ფინალისტია სერვანტესის სახელობის გიმნაზია AIA GESS-ის გუნდი ორი მასწავლებლის (ნინო აბესაძე და პავლე რუხაია) და 5 მოსწავლის შემადგენლობით.

ვულოცავთ AIA GESS-ის გუნდს ფინალში გასვლას და წარმატებებს ვუსურვებთ!

20 – 22 ოქტომბერს Science on Stage Europe და დორტმუნდის ფეხბურთის მუზეუმი საბუნებისმეტყველო საგნების მასწავლებლებს სთავაზობს სემინარს „კოდირება ფეხბურთში“. ამ სემინარის თემაა ფეხბურთის თამაშის მონაცემთა ანალიზი. პროექტი „კოდირება’’ 2018 წლის ბოლომდე გაგრძელდება.  საქართველოდან ამ პროექტში მონაწილეობის უფლება მოიპოვა გივი ზალდასტანიშვილის სახელობის ამერიკული აკადემიის გუნდმა, რომლის ხელმძღვანელები არიან ილია მესტვირიშვილი და დავით შაფაქიძე.

ვულოცავთ ამერიკული აკადემიის გუნდს ამ პროექტში მონაწილეობას და წარმატებებს ვუსურვებთ!

2017 წელს საქართველო პირველად წარსდგა science on stage ფესტივალზე.

450 მასწავლებელი 30 ქვეყნიდან მონაწილეობდა ფესტივალზე science on stage 2017, ყველაზე ფართომასშტაბიანი საგანმანათლებლო ფესტივალი ბუნებისმეტყველების სწავლების მიმართულებით გაიმართა 29 ივნისიდან 2 ივლისამდე დებერცენში, უნგრეთში.

ნინო სააკაშვილმა (ნაფარეულის საჯარო სკოლა, თელავი) და თამარ დობორჯგინიძემ (ბაქსვუდის საერთაშორისო სკოლა, თბილისი) წარადგინეს თავიანთი პროექტი  ”ფერადი მეცნიერება”, რომელიც ეხება იაფი ტექნოლოგიების გამოყენებას ბუნებისმეტყველების გაკვეთილზე. წარმოდგენილი ექსპერიმენტების გამოყენებით მოსწავლეები სახალისო ფორმით ეცნობიან ისეთ თემებს, როგორიცაა ბგერა და ბგერის გავრცელება; დიფუზია; ოსმოსი ცოცხალ ორგანიზმებში. პროექტის დევიზია: მეცნიერება ჩვენს გარშემოა, ჩვენ მხოლოდ უნდა აღვიქვათ და შევიყვაროთ ის!

იხილეთ ფესტივალის ფოტოები

იხილეთ სასტენდო მოხსენება

დამატებითი ინფორმაცია  ფესტივალის შესახებ:

ვიდეო ფესტივალის შესახებ

http://www.science-on-stage.eu/page/display/4/88/0/festival-2017
http://sons2017.eu
#SonS2017

საბუნებისმეტყველო განათლების კვლევით ცენტრში SALiS აქტიურად მიმდინარეობს მუშაობა #SonS2017 ფესტივალზე წარსადგენ პროექტზე. Science on Stage საქართველოს სამუშაო ჯგუფს   ნაფარეულის საჯარო სკოლის მასწავლებელმა, ნინო სააკაშვილმა და ბაქსვუდის საერთაშორისო სკოლის მასწავლებელმა, თამარ დობორჯგინიძემ წარუდგინეს პროექტი „ფერადი მეცნიერება“. პროექტი მოიცავს სხვადასხვა სახალისო, ინტერაქტიულ და შემეცნებით ექსპერიმენტებს იაფი ტექნოლოგიების გამოყენებით: ტელეფონი და ბგერის გავრცელება; დიფუზია; ოსმოსი ცოცხალ ორგანიზმებში.

იხილეთ ფოტოები

იხილეთ სასტენდო მოხსენება

ფესტივალის ბროშურა შეგიძლიათ ჩამოტვირთოთ აქედან: http://szinpadon-a-tudomany.hu/guidebook.pdf
სასტენდო პლაკატები შეგიძლიათ იხილოთ აქ:
Http://sons2017.eu/for-attendees/virtual-fair/
ფესტივალის მთავარ გვერდი:
Http://sons2017.eu

ფესტივალის ფოტოები და შთაბეჭდილებები განთავსდება აქ:  twitter.com/hashtag/sons2017?vertical=default&src=hash